საზოგადოება
გაორმაგებული სამივლინებო ხარჯები ქუთაისის მერიაში და დაუგეგმავი "საქმიანი" ვიზიტები
FaceBook
ქუთაისის ადგილობრივ ბიუჯეტში მიმდინარე წელს, თვითმმართველობაში (მერია და საკრებულო) დასაქმებულების სამივლინებო ხარჯებისთვის 30 000 ლარია გათვალისწინებულია. რაც გასული წლის სამივლინებო ხარჯებთან შედარებით ორჯერ მეტია.

გაორმაგებული თანხის მიუხედავად, ადგილობრივ თვითმმართველობაში განსაზღვრული არ აქვთ, სავარაუდოდ, რა საქმიან ვიზიტებზე შეიძლება წლის განმავლობაში მოუწიოთ წასვლა თვითმმართველობის წარმომადგენლებს. ასევე, მერიაში არ აქვთ კონკრეტული პასუხი, თუ რის საფუძველზე მოხდა სამივლინებო ხარჯების გაზრდა.

მერიაში მხოლოდ იმას აღნიშნავენ, რომ სამვლინებო ხარჯების ზრდა ტურიზმის განვითარების ფარგლებში დაგეგმილმა ღონისძიებებმა გამოიწვია. მაგალითად, ბუდაპეშტი, ბაქო, გერმანიის ერთ-ერთი ქალაქი, ალმაატა, მოსკოვი და ხარკოვი - ეს იმ ქალაქების ჩამონათვალია, სადაც მიმდინარე წლის განმავლობაში ქალაქში ტურისტების მოსაზიდად საინფორმაციო ვიზიტები დაიგეგმა.

აღსანიშნავია, რომ ადგილობრივ ბიუჯეტში, ქალაქის ტურისტული პოტენციალის პრომოუშენისთვის 50 ათასი ლარია გამოყოფილი. მერიის ეკონომიკური განვითარების სამსახურში განმარტავენ, რომ მგზავრობის ხარჯები მივლინების მუხლიდან, ხოლო სტენდის იჯარისა და საინფორმაციო მასალების ბეჭდვის ხარჯები ზემოთ აღნიშნული პროგრამიდან არის გათვალისწინებული.

გარდა ამისა, მიმდინარე წელს ქუთაისის მერია სამ ქალაქთან გეგმავს დაძმობილებას, რისთვისაც შესაძლოა თვითმმართველობის წარმომადგენლებს მემორანდუმის გასაფორმებლად იმ ქალაქებში დასჭირდეთ დელეგაციის გაგზავნა.

მერიის ადმინისტრაციული სამსახურის უფროსი ზავიად ჯავახია განმარატავს, რომ სამივლინებო თანხებისგან განსხვავებით, წინასწარ შეუძლებელია სამივლინებო დელეგაციების წინასწარ განსაზღვრა.

მერიის ადმინისტრაციული სამსახურის უფროსი ირწმუნება, რომ მათ მიერ განხორციელებული ვიზიტების ერთ-ერთი შედეგია მიმდინარე წელს აღდგენილი ავიარეისები ქუთაისი-უკრაინა-ხარკოვის მიმართულებით.

ქუთაისის მერის შეფასებით, მის მიერ განხორცილებული სამუშაო ვიზიტები წარმატებულია.
"არ იფიქროთ ის, რომ ქვეყნების სანახავად დავდივარ. ჩემთვის დაღლის მეტი არაფერია სხვა ქვეყანაში წასვლა, მაგრამ ყველას ფიანდაზად ვეგებით, რომ რაიმე სახის ინვესტიცია განახორციელონ", – განმარტავს ქუთაისის მერი.



Print E-mail
FaceBook Twitter
მსგავსი სიახლეები
ღია ტიპის კაფეების შემდეგ,
მუშაობის განახლებისთვის ემზადებიან რესტორნების მფლობელებიც.
8 ივნისიდან
მუშაობის უფლება მათაც მიეცემათ, თუმცა, მხოლოდ ჯანდაცვის სამინისტროს
რეკომენდაციების დაცვით.
10:10 / 02.06.2020
ღია ტიპის კაფეების შემდეგ, მუშაობის განახლებისთვის ემზადებიან რესტორნების მფლობელებიც. 8 ივნისიდან მუშაობის უფლება მათაც მიეცემათ, თუმცა, მხოლოდ ჯანდაცვის სამინისტროს რეკომენდაციების დაცვით.
ქუთაისში უძველესი
სამკურნალო აბანო, რომელიც საუკუნეებს ითვლის, შესაძლოა, გაქრეს.
თანაც ისე, რომ ამის შესახებ ვერაფერი, უკეთეს შემთხვევაში, ძალიან
გვიან გავიგოთ.
11:03 / 30.05.2020

ქუთაისში უძველესი სამკურნალო აბანო, რომელიც საუკუნეებს ითვლის, შესაძლოა, გაქრეს. თანაც ისე, რომ ამის შესახებ ვერაფერი, უკეთეს შემთხვევაში, ძალიან გვიან გავიგოთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.