ახალი ამბები
ეკონომიკური თავისუფლების ინდექსში საქართველოს მდგომარეობა გაუარესდა - The Heritage Foundation
FaceBook
The Heritage Foundation -ის ეკონომიკური თავისუფლების 2022 წლის ინდექსში საქართველოს მდგომარეობა გაუარესდა.

საქართველოს ეკონომიკური თავისუფლების ქულა 71,8-ია, რაც სხვა წლებთან შედარებით  მდგომარეობის 14 პოზიციით გაუარესებას ნიშნავს.

2022 წლის ინდექსში საქართველო თავისუფლების 71,8 ქულით 26-ე ადგილს იკავებს. საქართველო ევროპის რეგიონის 45 ქვეყანას შორის კი მე-18 ადგილზეა.

ორგანიზაცია The Heritage Foundation ქვეყნებს 0-დან 100 ქულამდე სისტემით აფასებს.

ინდექსი ყოველწლიურად ზომავს 180-მე ქვეყნის ეკონომიკურ თავისუფლებას 12 რაოდენობრივი და თვისობრივი პარამეტრის მიხედვით, რომლებიც 4 ძირითად კატეგორიაშია მოქცეული:


- კანონის უზენაესობა (საკუთრების უფლება, სასამართლოს ეფექტიანობა, მთავრობის კეთილსინდისიერება);

- მთავრობის ზომა (ფისკალური სიჯანსაღე, საბიუჯეტო დანახარჯები, საგადასახადო ტვირთი);

- რეგულირების ეფექტიანობა (ბიზნესის თავისუფლება, შრომის თავისუფლება, მონეტარული თავისუფლება);

- ბაზრის ღიაობა (ვაჭრობის თავისუფლება, ინვესტირების თავისუფლება, ფინანსური თავისუფლება).

ორგანიზაცია თავის კვლევაში აღნიშნავს, რომ საქართველოს ეკონომიკური თავისუფლების გაფართოება შეჩერდა სუსტი ფისკალური სიჯანსაღისა და ბიზნესის თავისუფლების შემცირების გამო, ვაჭრობის თავისუფლებისა და საგადასახადო ტვირთის ქულები რჩება მყარი, მაგრამ სასამართლო ეფექტურობასა და შრომის თავისუფლების ნაწილში მკვეთრი ვარდნა შეინიშნება.

ორგანიზაცია მიიჩნევს, რომ საქართველოში საკუთრების უფლებები აღიარებულია, მაგრამ სუსტად აღსრულდება.

პოლიტიკური ჩარევა ძირს უთხრის სასამართლო სისტემის დამოუკიდებლობას. ბევრ მოსამართლეს არ აქვს კომერციული საქმეების დამოუკიდებლად ან სწრაფად განხილვის უნარი. "საერთაშორისო გამჭვირვალობა" ასახელებს "ელიტარულ" კორუფციას საქართველოში: მაღალი დონის თანამდებობის პირები იყენებენ იურიდიულ ხარვეზებს პირადი გამდიდრების, სტატუსის ან ანგარიშსწორების მიზნით.

მარეგულირებელი გარემო არის ჯანსაღი, მაგრამ საქმიანი დავები სასამართლო სისტემაში წლების განმავლობაში შეიძლება გაძნელდეს.
საქართველოში შრომის ხარჯები დაბალია.

მიუხედავად ამისა საქართველო "უმეტესად თავისუფალი" ეკონომიკების ჯგუფში რჩება.



Print E-mail
FaceBook Twitter
მსგავსი სიახლეები
ევროპის სახელმწიფო საფოსტო
ოპერატორების ასოციაციამ PostEurop-მა რუსეთის ფედერაციის „რუსეთის
ფოსტასა“ და ბელორუსის „ბელპოჩტას“ წევრობის უფლებები
შეუჩერა.
17:21 / 02.07.2022
ევროპის სახელმწიფო საფოსტო ოპერატორების ასოციაციამ PostEurop-მა რუსეთის ფედერაციის „რუსეთის ფოსტასა“ და ბელორუსის „ბელპოჩტას“ წევრობის უფლებები შეუჩერა.
ზესტაფონში უხვი ნალექის გამო,
ჩხეიძის ქუჩაზე, ხიდის მიმდებარედ არსებული გზა ჩაინგრა.
14:37 / 02.07.2022
ზესტაფონში უხვი ნალექის გამო, ჩხეიძის ქუჩაზე, ხიდის მიმდებარედ არსებული გზა ჩაინგრა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.