საზოგადოება
ქუთაისში მცხოვრები დევნილები შეშას ითხოვენ
FaceBook
ქუთაისში, სასტუმრო "თბილისში" მცხოვრებ დევნილებს ზამთრის დადგომა ყველაზე მეტად აშინებთ. უკვე 23 წელია კომპაქტურ დასახლებაში გათბობის პრობლემა დგას. როგორც ირკვევა, გაზიფიცირება შეუძლებელია, რადგან შენობა ამორტიზებულია და გარემონტებას არ ექვემდებარება. გათბობის ერთადერთი საშუალება შეშა და ელექტროენერგიაა, რომელიც სასტუმროში მცხოვრები დევნილების თქმით, ძალიან ძვირი ჯდება. ამიტომ, "თბილისში" მცხოვრები დევნილები ქუთაისის მერიისგან შეშით დახმარებას ითხოვენ.

შენობაში მცხოვრები 42 ოჯახიდან შეშით დახმარების მიღებაზე განცხადება 11 ოჯახს აქვს დაწერილი. ისინი არიან შენობის პირველ სართულზე მცხოვრებლები, ფორმა 100-ის მქონე, ომში დაღუპულთა და სიღარიბის ზღვარს ქვემოთ მყოფი ოჯახები.

"საშინელი სინესტეა და ვაუჩერით განსაზღვრული დახმარებით ამ ოთახების გათბობა შეუძლებელია. ამიტომ, ვთხოვთ ქლაქის მერიას განსაკუთრებული კატეგორიისთვის გამოყოს შეშა" -ამბობს, სასტუმრო "თბილისში" მცხოვრებ დევნილთა წარმომადგენელი, ვეფხვია მიქაუტაძე.

"ახლაც გაყინულები ვართ. არავის არ უხარია შეშის ფეჩის დადგმა, მაგრამ სხვა გზა არ გვაქვს. დენი ბევრს წერს, თან ვერ ვთბებით. ფანჯარა ფანჯარას არ გავს, ჭერი ჭერს"- ამბობს, დევნილი, ნატო ხელაიშვილი.

ქუთაისის მერიის კეთილმოწყობის სამსახურში აცხადებენ, რომ ამ აღნიშნულ საკითხზე შესული განცხადებები გადაგზავნილია სპეციალურ სერვისებში და შესაძლებლობის ფარგლებში შეეცდებიან დააკმაყოფილონ დევნილების მოთხოვნა.

მერიაში აცხადებენ, რომ სასტუმრო "თბილისში" მცხოვრები დევნილები პასუხს ელექტრონული ფოსტის საშეალებით შეიტყობენ.


ამავე თემაზე:

„სიცივეში სასიკვდილოდ განწირულნი“ - "წართმეული" კომუნალური შეღავათები დევნილებს

21 წელი საცხოვრებლის მიღების ლოდინში და ხარვეზები პომპეზურად გადაცემულ ბინებში
Print E-mail
FaceBook Twitter
მსგავსი სიახლეები
ღია ტიპის კაფეების შემდეგ,
მუშაობის განახლებისთვის ემზადებიან რესტორნების მფლობელებიც.
8 ივნისიდან
მუშაობის უფლება მათაც მიეცემათ, თუმცა, მხოლოდ ჯანდაცვის სამინისტროს
რეკომენდაციების დაცვით.
10:10 / 02.06.2020
ღია ტიპის კაფეების შემდეგ, მუშაობის განახლებისთვის ემზადებიან რესტორნების მფლობელებიც. 8 ივნისიდან მუშაობის უფლება მათაც მიეცემათ, თუმცა, მხოლოდ ჯანდაცვის სამინისტროს რეკომენდაციების დაცვით.
ქუთაისში უძველესი
სამკურნალო აბანო, რომელიც საუკუნეებს ითვლის, შესაძლოა, გაქრეს.
თანაც ისე, რომ ამის შესახებ ვერაფერი, უკეთეს შემთხვევაში, ძალიან
გვიან გავიგოთ.
11:03 / 30.05.2020

ქუთაისში უძველესი სამკურნალო აბანო, რომელიც საუკუნეებს ითვლის, შესაძლოა, გაქრეს. თანაც ისე, რომ ამის შესახებ ვერაფერი, უკეთეს შემთხვევაში, ძალიან გვიან გავიგოთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.