ახალი ამბები
„ეკლესიის შიგნით ფეხმოკიდებული რუსოფილია სერიოზული სახის არის “ - მირიან გამრეკელაშვილი
FaceBook

პოლიტიკური პარტია „პატრიოტთა ალიანსის“ მიერ ბაგრატის ტაძრის ეზოში გამართულ პარტიულ შეხვედრას საზოგადოების მხრიდან არაერთგვაროვანი შეფასება მოყვა.


შეხვედრასთან დაკავშირებით საპატრიარქომაც გააკეთა განცხადება და საკუთარი როლი გამორიცხა.


პარტიული შეხვედრის გამართვაზე ნებართვის გაცემის უფლებამოსილება სახელმწიფოს დააკისრა სამართლებრივი მაგალითების მოყვანით, რომ ბაგრატის ტაძრის მიწა სახელმწიფოსია და არა საპატრიარქოსი.

იურიდიული კაზუსების და ოფიციალური ნებართვის არსებობა- არარსებობის მიუხედავად თეოლოგი მირიან გამრეკელაშვილი საპატრიარქოს როლს არ გამორიცხავს „პატრიოტთა ალიანსისთვის“ ბაგრატის ტაძრის ეზოს დათმობის საკითხში,  უფრო მეტიც, ამაში „ლოგიკურ სვლასაც“ ხედავს.


„ძალიან შეუსაბამო იქნებოდა „პატრიოტთა ალიანსს“  თავისი ყრილობა  სხვაგან რომ გაემართა და არა ბაგრატის ეზოში, რადგან  ბაგრატის ტაძარი არის კათედრალი, რომლის ტახტზეც ბრძანდება საქართველოში  ერთ- ერთი ყველაზე  გამორჩეული რუსოფილი ეპისკოპოსი მეუფე იოანე გამრეკელი".


თეოლოგი გამიჯნავს, მისი შეფასებით, ორ მნიშვნელოვან საკითხს,


„პატრიოტთა ალიანსი“ არის რუსეთის მოქმედი მთავრობის მიერ დაქირავებული  პოლიტიკური ძალა,  რომელიც იღებს დაფინანსებას რუსეთიდან.  და რაც შეეხება  ეკლესიის შიგნით ფეხმოკიდებულ რუსოფილიას, ეს უფრო სერიოზული სახის არის და ის ეყრდნობა საქართველოს ისტორიული მონაკვეთების გარკვეულ ინტერპრეტირებას“.

თეოლოგის განმარტებით, ეს ინტერპრეტირებები გულისხმობს „ისტორიულ“ მტკიცებულებებს რუსეთთან საქართველოს აუცილებელი ალიანსის შესახებ. სადაც რიგი სასულიერო პირები ცდილობენ დაასაბუთონ რუსეთის უპირატესი როლი საქართველოს „გადარჩენაში.“


„ცდილობენ ასეთი  მეხსიერების ტიპოსი შექმნან - რომ   არა რუსეთი  საქართველო ვერ გადარჩებოდა როგორც ქრისტიანული ქვეყანა. რუსეთთან შეგვიძლია  ვიყოთ პოლიტიკურ  ალიანსში. ის შეიძლება იყოს ჩვენი პოლიტიკური მოკავშირე,  რადგან ეს არის ერთადერთი საშუალება გადარჩეს  და შენარჩუნდეს ქართული ქრისტიანული კულტურა“, - ამბობს მირიან გამრეკელაშვილი.


თეოლოგის შეფასებით, ეს შემთხვევა არის ერთ- ერთი არგუმენტი იმისა, რომ საპატრიარქო თანამშრომლობს პოლიტიკურ პარტიებთან ფინანსური  სარგებლიანობის პრინციპიდან გამომდინარე, მაგრამ ასევე  იდეოლოგიური სიახლოვის ნიშნითაც, რაც უნდა მოენდომებინა „გირჩს“ ან „ევროპულ საქართველოს“ ბაგრატის ეზოს თავყრილობისთვის არ დაუთმობდნენ.


მირიან გამრეკელაშვილი მიიჩნევს, რომ სასურველია კულტურული მემკვიდერობის  ძეგლები და სივრცეები არ ეთმობოდეს პარტიულ  შეხვედრებს .ამისთვის არსებობს  ნეიტრალური ტერიტორიები - სათაო ოფისები და საკონფერენციო დარბაზები.


„რაც  შეეხება ტაძარს აქ სხვა თემაა. ფაქტობრივად ხდება  ეკლესიისა და ქრისტიანობის  პოლიტიზება, რაც არის მიუღებელი  ყოველი მხრივ.  მოახლოებული არჩევნების  წინ ეკლესიაც დიდი ცდუნების წინაშეა,  რადგან სწორედ არჩევნების წინ გაუკეთებს ალბათ, მმართველი თუ სხვა პარტიები ეკლესიას შეთავაზებებს,  რაღაც სარგებელს და ა.შ.  აქ უნდა გამოიჩინოს პრინციპული დამოკიდებულება და თავი აარიდოს  პოლიტიზებას“


წინააღმდეგ შემთხვევაში თეოლოგი ეკლესიითვის  არასასურველ მომავლს ხედავს. პოლიტიზება „(პოლიტიზებით ) ეკლესია მოახდენს საკუთარი თავის ბოლომდე დისკრედიტაციას საზოგადოებაში, როგორც რწმენითი ინსტიტუტისა “.

Print E-mail
FaceBook Twitter



მსგავსი სიახლეები
ქუთათელ-გაენათის ეპარქიის მეუფე
იოანე გამრეკელი ქვეყანაში არსებულ ეპიდვითარებას გამოეხმაურა.
13:43 / 23.11.2020
ქუთათელ-გაენათის ეპარქიის მეუფე იოანე გამრეკელი ქვეყანაში არსებულ ეპიდვითარებას გამოეხმაურა.
იმერეთის რეგიონში კორონავირუსით
ინფიცირებულთა რაოდენობა ყოველდღიურად იზრდება.
11:03 / 23.11.2020
იმერეთის რეგიონში კორონავირუსით ინფიცირებულთა რაოდენობა ყოველდღიურად იზრდება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.