საზოგადოება
მითები ევროპაზე – "ერთნაირსქესიანთა ქორწინება"
FaceBook
ევროკავშირის მიმართ არსებულ მითოლოგიაში "წამყვან"  პოზიციას იკავებს მითი ერთნაირსქესიანი წყვილების ქორწინების თაობაზე.

მითი – ევროკავშირი ერთნაირსქესიანთა ქორწინების დაკანონებას ითხოვს. 

სინამდვილე
–  ევროკავშირის მხრიდან არ არსებობს არანაირი მოთხოვნა, რომელიც რომელიმე ქვეყანას ერთნაირსქესიანთა ქორწინების დაკანონებას დაავალდებულებს.

ამაზე არ საუბრობს "ასოცირების შესახებ შეთანხმება",  იგი ერთსქესიანი ქორწინების საკითხს საერთოდ არ უკავშირდება.

როგორც სპეციალისტები განმარტავენ ევროკავშირის მმართველი ორგანოებისა და ევროკავშირის წევრი ქვეყნების კომპეტენციები ერთმანეთისგან გამიჯნულია. ევროკავშირის კომპეტენციას წარმოადგენს ვაჭრობასთან, საბაჟოსთან და მსგავს სფეროებთან დაკავშირებული საკითხები. ქორწინება და ამ ტიპის საკითხები კი ევროკავშირის წევრ სახელმწიფოთა მთავრობების დამოუკიდებლად გადასაწყვეტია.

"ევროკავშირს არასდროს განუხილავს წევრ სახელმწიფოებში ან წევრობის კანდიდატ ქვეყნებში ერთნაირსქესიანი ქორწინების აღიარების საჭიროება", – ამბობს იურისტი გიორგი ნონიაშვილი.

მითუმეტეს, რომ ევროკავშირის წევრ ქვეყნებში სხვადასხვა მიდგომა არსებობს ქორწინების და ერთნაირსქესიან პირებს შორის თანაცხოვრების საკითხებზე.

"ევროკავშირის წევრ ქვეყანებში არსებობენ ისეთებიც, სადაც ქორწინება დაშვებულია ნებისმიერი მონოგამიური ტიპის წყვილისთვის, იქ სადაც თანაცხოვრება აღიარებულია (სამოქალაქო პარტნიორობის ინსტიტუტი) სამართლებრივად. თუმცა, მათზე ქორწინების ინსტიტუტი არ ვრცელდება და იქ, სადაც აკრძალულია ერთნაირსქესიანთა პირების ქორწინება. ადამიანის უფლებათა ევროპული სასამართლო ქვეყნებს ავალდებულებს ჰომოსექსუალი წყვილის თანაცხოვრების სამართლებრივ აღიარებას. ეს, თავის მხრივ,  გულისხმობს მათ შორის სამოქალაქო, ქონებრივი და არაქონებრივი ურთიერთობის დარეგულირებას (მგ. ქონების გაყოფა, ქონების მიღება, პატიმრის მონახულების უფლება და ა.შ.)",  – აღნიშნავს გიორგი ნონიაშვილი.

ერთადერთი, რასაც ასოცირების შეთანხმება და შესაბამისად, ევროკავშირი ავალდებულებს ქართულ მხარეს ეს უმცირესობების უფლებების დაცვა და თანაბარი შესაძლებლობების უზრუნველყოფის აუცილებლობაა.

ევროკავშირი ერთნაირსქესიანთა ქორწინების დაკანონებას ითხოვს – მითია და საერთო არაფერი აქვს რეალურ ვალდებულებებთან.

"მსგავსი მითების გავრცელება მხოლოდ იმ ჯგუფების ინტერესშია, რომელიც სიძულვილის საფუძვლით ცდილობს მიიღოს მხარდაჭერა და პოლიტიკური კაპიტალი. უნდა აღინიშნოს ისიც, რომ ამ მითის გავრცელებას მთელს ევროპაში ახალისებს რუსეთის ხელისუფლება, რომელიც სხვადასხვა საშუალებებით ცდილობს ამ დეზინფორმაციით წალეკოს საინფორმაციო ველი. ამის ყველაზე ნათელი მაგალითი იყო უკრაინასთან კონფლიქტი და ამ დროს წარმოებული მედია კამპანია ევროპის საწინააღმდეგოდ",  – მიაჩნია გიორგი ნონიაშვილს.
FaceBook Twitter
მსგავსი სიახლეები
2019 წლის 25 ნოემბერს, ქალთა მიმართ ძალადობის აღკვეთის საერთაშორისო
დღეს  საქართველო არასასურველი სტატისტიკითა და არაერთი მძიმე
ისტორიით ხვდება.
16:05 / 25.11.2019

2019 წლის 25 ნოემბერს, ქალთა მიმართ ძალადობის აღკვეთის საერთაშორისო დღეს  საქართველო არასასურველი სტატისტიკითა და არაერთი მძიმე ისტორიით ხვდება.

ქუთაისიდან ტყიბულამდე შემოდგომა
გაიძულებს შეამჩნიო  ფერების მისეული თამაში. ის ტყიბულის შახტის
შესასვლელთან წყდება და იწყება გზა  მიწისქვეშა ქალაქისკენ
-ტყიბულის პარალელურ რეალობაში, სადაც ყველაფერს აფასებ, რასაც
მიწისზევით ტოვებ.
11:50 / 23.11.2019

ქუთაისიდან ტყიბულამდე შემოდგომა გაიძულებს შეამჩნიო  ფერების მისეული თამაში. ის ტყიბულის შახტის შესასვლელთან წყდება და იწყება გზა  მიწისქვეშა ქალაქისკენ -ტყიბულის პარალელურ რეალობაში, სადაც ყველაფერს აფასებ, რასაც მიწისზევით ტოვებ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.