საზოგადოება
სვირის სკოლაში შოთა რუსთაველის გაუჩინარებული ბიუსტი და ძიებისთვის დაჯარიმებული ადგილობრივი
FaceBook
ზესტაფონის სოფელ სვირში 10 წლის წინ გაუჩინარებულ შოთა რუსთაველის ბიუსტს ეძებენ.
მისი მოძიებით ადგილობრივი მკვიდრი, სპარტაკ კაპანაძეა დაინტერესებული. ის ამბობს, რომ ბიუსტი სოფლის საჯარო სკოლის რეაბილიტაციის დროს, ეზოში არსებულ აუზში ჩააგდეს. სპარტაკ კაპანაძის თქმით, პოეტის ბიუსტი კულტურული მემკვიდრეობაა და მისი განადგურება დაუშვებელია.

"ჩემი სწავლის პერიდოში იყო სკოლაში ეს ბიუსტი და ყველა სკოლადამთავრებულის ფოტოალბომშია მისი ფოტო. რუსთაველმა პოემა დაწერა, რომელიც მთელ მსოფლიოში ცნობილია, შესაბამისად, მისი ბიუსტიც კულტურული მემკვიდრეობაა და განადგურება დაუშვებელია," - ამბობს სპარტაკ კაპანაძე ჩვენთან საუბარში.

მან ზუსტად არ იცის როდის ჩამოიღეს კვარცხლბეკიდან ბიუსტი, თუმცა, დარწმუნებულია, რომ ის აუზში ჩააგდეს. სპარტაკ კაპანაძემ  შოთა რუსთაველის ბიუსტის მოძიება 2014 წელს დაიწყო.

ზესტაფონის რესურსცენტრში განმარტავენ, რომ ის ძიებას თვითნებურად, თანაც გაკვეთილების მიმდინარეობის დროს აწარმოებდა, რის გამოც, პედაგოგებმა პოლიციას გამოუძახეს. სამართალდაცავებმა მას საქმიანობის შეწყვეტა მოთხოვეს, დაუმორჩილებლობისთვის კი სასამართლომ 300 ლარით დააჯარიმა. სპარტაკ კაპანაძე ამ გადაწყვეტილებას არ ეთანხმება და უკანონოს უწოდებს.

"სასწავლო პროცესი უკვე სრულდებოდა როცა ეზოში შევედი. ამ შემთხვევაში კანონი არ დამირღვევია და სასამართლომ უკანონო გადაწყვეტილება მიიღო," - აცხადებს კაპანაძე.

ზესტაფონის მერის წარმომადგენელი სოფელ სვირში, გელა კაპანაძე კი ჩვენთან საუბარში განარმატავს, რომ, სავარაუდოდ, ბიუსტი სამშენებლო ნარჩენებთან ერთად სკოლის ეზოში არსებულ სახანძრო აუზში მოათავსეს.

"იმ დროისთვის აუზი გააუქმეს და , შესაძლოა, იქ იყოს ბიუსტიც," - ამბობს გელა კაპანაძე.

ზესტაფონის რესურსცენტრის ხელმძღვანელი, თორნიკე კახნიაშვილი კი  განმარტავ, რომ ბიუსტი 10 წლის საჯარო სკოლაში მიმდინარე სარემონტო სამუშაოების დროს დაზიანდა.

"ეს არის 10 წლის ამბავი, მე არ ვარ შემსწრე, მაგრამ სკოლის თანამშრომლები ამბობენ, რომ სარემონტო სამუშაოების დროს ბიუსტი ამწემ დააზიანა, რადგან ის იყო ბეტონის. მათივე ინფორმაციით, დამსხვრეული ბიუსტი სამშენებლო კომპანიამ გაიტანა. ის რომ ჩამარხულია, ეს ვიღაცის ფანტაზიის ნაყოფია," - ამბობს თორნიკე კახნიაშვილი.

რესურსცენტრის ხელმძღვანელი ამბობს, რომ ბიუსტის პოვნის შანსი თითქმის არ არსებობს, თუმცა, გადამოწმების მიზნით სპარტაკ კაპანაძეს არასამუშაო დღეებში ძიების გაგრძელებას სთავაზობს.

"ტექნიკის გარეშე შეუძლია, ტექნიკას სკოლის ეზოში ვერ ვამუშავებთ. პასუხი არ მოუცია და არც პროტესტი არ გამოუხატავს. რატომღაც ჩათვალა, რომ ჩვენ არ ვართ დაინტერსებული და პირიქით, ჩვენი ინტერესიცაა, მით უმეტეს შოთას ბიუსტზეა საუბარი," - ამბობს თორნიკე კახნიაშვილი.

თუმცა, სვირში მცხოვრები სპარტაკ კაპანაძე ამბობს, რომ ბიუსტის მოძიება განათლების სამინისტროს ევალება და მისი ამოღების სამუშაოებიც, სწორედ ამ უწყებამ უნდა აწარმოოს.

"თუ ადრე დარღვევა იყო ის, რომ მე ჩემით ვეძებდი ბიუსტს, ახლა აღარაა დარღევევა? კეთილი ინებონ და გამოიძიონ ვინ ჩააგდო ის ძეგლი იქ და მოიძიონ კიდეც," - აცხადებს სპარტაკ კაპანაძე.

სვირის საჯარო სკოლაში დაკარგული რუსთაველის ბიუსტის საკითხზე განათლების სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტოს მივმართეთ, სადაც განგვიმარტეს, რომ დაინტერესებულმა პირმა წერილობით ადგილობრივ რესურსცენტრს უნდა მიმართოს.

"ამის შემდეგ რესურსცენტრი მოგვმართავს ჩვენ, რის შემდეგაც მიეცემა შესაბამისი რეაგირება," - აცხადებენ სამინისტროში.



Print E-mail
FaceBook Twitter
მსგავსი სიახლეები
ტყიბულის მუნიციპალიტეტის სოფელი მუხურა
წელიწადში 6 თვით გარესამყაროს წყდება.
14:15 / 07.09.2020
ტყიბულის მუნიციპალიტეტის სოფელი მუხურა წელიწადში 6 თვით გარესამყაროს წყდება.
პოლიტიკური პარტია „პატრიოტთა ალიანსის“ მიერ ბაგრატის ტაძრის
ეზოში გამართულ პარტიულ შეხვედრას საზოგადოების მხრიდან
არაერთგვაროვანი შეფასება მოყვა.
14:41 / 04.09.2020

პოლიტიკური პარტია „პატრიოტთა ალიანსის“ მიერ ბაგრატის ტაძრის ეზოში გამართულ პარტიულ შეხვედრას საზოგადოების მხრიდან არაერთგვაროვანი შეფასება მოყვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.