ქუთაისიპოსტი

გარემოს ზემოქმედება კანის დაზიანების მიზეზი ხშირად ხდება

— ცხოვრებაში ერთხელ მაინც გექნებათ გამოცდილი დამწვრობა, ნაკაწრები ან სიმშრალე. კანი ერთგვარი ბარიერია ჩვენს ორგანიზმსა და გარე სამყაროს შორის, ამიტომ მის მოვლას განსაკუთრებული ყურადღება უნდა დავუთმოთ. გარდა იმისა, რომ წინააღმდეგ შემთხვევაში დისკომფორტი გარდაუვალია, ეს ჯანმრთელობის შესანარჩუნებლადაც ძალიან მნიშვნელოვანია.

 

მსგავს პრობლემებთან საბრძოლველად არაერთი დერმატოლოგიური საშუალება არსებობს. ერთ-ერთი ასეთია ბეპანთენი (იგივე ბეპანტენი), რომელიც უმეტესად გარედან მიღებული დაზიანებების დროს გამოიყენება. ეს საშუალება კანის, ასევე ქსოვილების აღდგენას უწყობს ხელს და მთლიან სხეულზე შეგვიძლია დავიტანოთ, მათ შორის სახეზეც.

 

შეხორცების დაჩქარებისა და ხელის შეწყობის მიზნით მას არაერთ დროს შეგვიძლია მივმართოთ. ეს შემთხვევებია:

• მსუბუქი დამწვრობა და დაჟეჟილობა;

• კანის გაღიზიანება;

• რადიო-, ასევე ფოტოთერაპია და UI-დასხივება;

• ქრონიკული წყლულები;

• ნაწოლები;

• ანალური ნახეთქები;

• კანის გადანერგვა;

• საშვილოსნოს ყელის ეროზია;

• კორტიკოსტეროიდებით მკურნალობა.

 

ბეპანტენს აღმდგენთან ერთად დამატენიანებელი მოქმედებაც ახასიათებს. ამის გამო იგი მშრალი, დახეთქილი კანის მოსავლელადაც შეგვიძლია გამოვიყენოთ. ეს საშუალება სასარგებლოა მაშინაც, როცა ჩვილებში გამოყელვის პროფილაქტიკა ან მკურნალობა გვინდა. ცნობისთვის, ბეპანტენის გამოყენება ნებისმიერი ასაკის ადამიანისთვის უსაფრთხოა.

 

გარდა ჩამოთვლილი შემთხვევებისა, მნიშვნელოვანია აღინიშნოს, რომ ეს მალამო ძუძუთი კვების პერიოდშიც გამოიყენება მკერდის მოსავლელად. ლაქტაციის დროს ძუძუსთავების ტკივილი და ნახეთქების გაჩენა არცთუ იშვიათი მოვლენაა, ამიტომ ამ დანიშნულებით ბეპანთენი წარმატებით გამოიყენება.

 

როდის არაა სასურველი ბეპანტენის მოხმარება

 

მიუხედავად პრეპარატის შესაძლო სარგებლიანობისა, ზოგიერთ შემთხვევაში მისი გამოყენება მიზანშეწონილი არ არის.

 

არ შეიძლება კანზე ამ საშუალების დატანა, თუ მასში შემავალ რომელიმე კომპონენტზე ალერგია გაქვთ. წინააღმდეგ შემთხვევაში, შესაძლოა, ამას ალერგიული რეაქციები ან გვერდითი მოვლენები მოჰყვეს, რომლებიც კანის მდგომარეობას გააუარესებს. ესენი შეიძლება იყოს: კანის ქავილი, გაწითლება და გაღიზიანება; კონტაქტური დერმატიტი, ჭინჭრის ციება და ბუშტუკოვანი გამონაყარი.

ძალიან მნიშვნელოვანია ვიცოდეთ, რომ ბეპანთენში შემავალ ნივთიერებებს პრეზერვატივის დაზიანება შეუძლია. თუკი მალამოს სასქესო ორგანოს ან ანალური მიდამოს სამკურნალოდ იყენებთ, ეს აუცილებლად უნდა გაითვალისწინოთ, რათა არასასურველი ორსულობისგან და სქესობრივი გზით გადამდები დაავადებებისგან დაიცვათ თავი.

გაითვალისწინეთ, რომ ბეპანთენი მხოლოდ გარე გამოყენებისთვის არის და იგი თვალში არ უნდა მოიხვედროთ. თუ ეს მაინც მოხდა, შეგიძლიათ, გაღიზიანების თავიდან ასარიდებლად ადგილი უბრალოდ წყლით მოიბანოთ.

ეფექტიანი მკურნალობისთვის უმჯობესია, ექიმმა გადაწყვიტოს, რამდენად მიზანშეწონილი იქნება თქვენთვის ამ მალამოს მოხმარება. მართალია, იგი სერიოზულ ზიანს ნაკლებად მოგიტანთ, თუმცა, შესაძლოა, კანის ყველა პრობლემა ვერ მოაგვაროს. ამ შემთხვევაში ექიმთან მისვლით დროს დაზოგავთ და გართულებებსაც აიცილებთ თავიდან.

თუკი ბეპანტენის გამოყენება თქვენთვის მიზანშეწონილი აღმოჩნდა, მის შეძენას PSP-ს სააფთიაქო ქსელშიც შეძლებთ.