რეკლამა
კახა კალაძე: დარწმუნებული ვარ, რომ არჩევნების მეორე ტურში მარტვილი სწორ გადაწყვეტილებას მიიღებს (R)
FaceBook
"დარწმუნებული ვარ, რომ არჩევნების მეორე ტურში მარტვილი სწორ გადაწყვეტილებას მიიღებს და მხარს დაუჭერს ქვეყნის განვითარებას და აღმშენებლობას, რასაც სათავეში ჩაუდგება კომპეტენტური, პროფესიონალი და პატიოსანი ადამიანებისგან დაკომპლექტებული გუნდი ალექსანდრე გრიგალავას ხელმძღვანელობით", - ამის შესახებ პარტია "ქართული ოცნება - დემოკრატიული საქართველოს" გენერალურმა მდივანმა, კახა კალაძემ, მარტვილის მუნიციპალიტეტის კულტურისა და ახალგაზრდობის განვითარების ცენტრში მერობის კანდიდატის მხარდამჭერ შეხვედრაზე განაცხადა.

კახა კალაძემ ალექსანდრე გრიგალავას მეორე ტურში წარმატებები უსურვა და მერობის კანდიდატს სრული მხარდაჭერა გამოუცხადა.

მისი თქმით, იმისთვის, რომ ქვეყნის ეკონომიკა იყოს ძლიერი, მნიშვნელოვანია ძლიერი რეგიონები და სოფლები, შესაბამისად, ადგილობრივი თვითმმართველობის არჩევნებს აქვს განსაკუთრებული მნიშვნელობა, რომ არჩეული იყოს ადამიანი, ვინც თავის გუნდთან ერთად, მომდევნო წლების განმავლობაში, თავის მუნიციპალიტეტს ღირსეულად მოემსახურება.

შეხვედრაზე პარტიის გენერალურმა მდივანმა ასევე აღნიშნა, რომ მმართველი გუნდისთვის 2012 წლიდან მოყოლებული ყველაზე მთავარი ღირებულება იყო, არის და იქნება ადამიანი და ყველა რეფორმა თუ პროექტი, რომელიც ამ წლების განმავლობაში განხორციელდა, უკავშირდებოდა მხოლოდ ადამიანის კეთილდღეობას და უკეთეს ცხოვრებას.

"შეიძლება რაღაცეები დროში გაიწელა, რაღაცეები მიმდინარეობის პროცესშია, თუმცა ჩვენ არასდროს, მთელი ამ წლების განმავლობაში შეურაცხყოფა არ მიგვიყენებია ჩვენი მოსახლეობისთვის, არავინ დაჩაგრულა, არავისთვის წარგვირთმევია. ჩვენ გვახსოვს წლები, როდესაც ღამის საათებში ნოტარიუსები იბარებდნენ ბიზნესმენებს და ართმევდნენ საკუთარ ქონებას, ბიზნესს. საბედნიეროდ, ჩვენ ყველამ ერთად, არჩევნების გზით, ეს წლები ჩავაბარეთ წარსულს და საქართველოში არასდროს და ვერასდროს ვერ დაბრუნდებიან საკუთარ მოქალაქეებზე მოძალადე ხელისუფლებები", - განაცხადა კახა კალაძემ.

გენერალურმა მდივანმა დღეს არსებულ საარჩვენო გარემოზეც ისაუბრა და პროცესები დადებითად შეაფასა."ნამდვილად მსიამოვნებს არსებული საარჩევნო გარემო. თუ გადავხედავთ საერთაშორისო სადამკვირვებლო ორგანიზაციების შეფასებებს, კარგად დავინახავთ თუ რამხელა სხვაობაა 2012 წლადე და 2012 წლის შემდეგ, "ქართული ოცნება" ხელისუფლებაში მოსვლიდან.მეამაყება, რომ დღეს ყველა პოლიტიკურ პარტიას აქვს შესაძლებლობა, საარჩვენო კამპანია თავისუფალ გარემოში აწარმოოს", - აღნიშნა კალაძემ.

FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
დღეს ქუთაისის ლადო მესხიშვილის სახელობის დრამატულ თეატრში მოსკოვის  დასის მსახიობები საპროტესტო აქციის ფონზე ითამაშებენ.
ჯანდაცვის მინისტრი ეკატერინე ტიკარაძე,  მაღაროში მუშის დაღუპვის ფაქტთან დაკავშირებით,  შრომის ინსპექტორებს ხვდება.
მაღაროში დაღუპული ახალგაზრდის ოჯახში ჯანდაცვის მინისტრი იმერეთის გუბერნატორთან და ჭიათურის მერთან ერთად მივიდა.
ჭიათურაში, მადნეულის ღია კარიერის წესით მომპოვებელი კომპანიების წარმომადგენლები თავიანთი საქმიანობის უფლების შეჩერებას აპროტესტებენ.
კომპანია „ჯორჯიან მანგანეზში“ ჯერ არ იციან გადაუხდიან თუ არა 17 ოქტომბერს დარკვეთის მაღაროში დაღუპული მუშის ოჯახს კომპენსაციას.
"ჯორჯიან მანგანეზის" ინფორმაციით, უბანი სადაც მუშა დაიღუპა, უსაფრთხოების ნორმები ორი თვის წინ შემოწმდა.
ფინანსთა სამინისტროს საგამოძიებო სამსახურის თანამშრომლებმა, იმერეთში,  ერთ-ერთი კომპანიის დირექტორი,  სხვისი სასაქონლო ნიშნის უკანონოდ გამოყენების ბრალდებით დააკვეს.
ქუთაისის მე-9 საჯარო სკოლის მოსწავლეს  ლუკა კვიცარიძეს, რომელიც ამავე სკოლის მეორე სართულიდან გადმოხტა,  ოპერაცია გაუკეთეს.