პოლიტიკა
„ნაციონალური მოძრაობა“ ბიუჯეტის დამტკიცების პროცესს ბოიკოტს უცხადებს
FaceBook
საკრებულოს ფრაქცია "ერთიანმა ნაციონალურმა მოძრაობამ" საკრებულოს სხდომა, სადაც 2018 წლის ბიუჯეტის დამტკიცებაზე მსჯელობენ, პროტესტის ნიშნად დატოვა.
ოპოზიციონერი დეპუტატები მიიჩნევენ, რომ აღმასრულებელმა ბიუჯეტი დასამტკიცებლად ფორსირებულად წარმოადგინა, არ მოხდა მისი სრულყოფილად შესწავლა და ის არ ასახავს ქუთაისელთა საჭიროებებს.

"კურიოზია, როცა მერია მის მიერვე დაწუნებულ ბიუჯეტს იღებს. არავითარი ცვლილებები ახალ ვარიანტში, რომელიც აღმასრულებელმა კომისიების გაფართოებულ სხდომაზე წამოგვიდგინა, ამ ბიუჯეტში არ არის. ეს იყო ნაჩქარევი პროცესი და ფორსირებულად წარმოადგინა პროექტი ხელისუფლებამ. ჩვენ არ მოგვეცა შესაძლებლობა სრულყოფილად განგვეხილა ბიუჯეტი და ხელისუფლებამ არც ერთი ჩვენი რეკომენდაცია არ გაითვალისწინა", - განაცხადა ფრაქცია "ნაციონალური მოძრაობის" თავმჯდომარემ, გიგა შუშანიამ.

ბიუჯეტს ნაჩქარევს უწოდებს "ევროპული საქართველოც" და პროექტისთვის მხარდაჭერას არ აპირებს.

"ჩვენ ვერ ავიღებთ ამ ბიუჯეტზე პასუხისმგებლობას და არ ვაპირებთ მხარი დავუჭიროთ", - განაცხადა "ევროპული საქართველოს" დეპუტატმა, დავით გოგისვანიძემ.

ქუთაისის მერიამ ქალაქის 2018 წლის ბიუჯეტის პროექტი საკრებულოდან ორჯერ გაითხოვა. 17 იანვარს კომისიების გაფართოებულ სხდომაზე კი ცვლილებებით წარმოადგინა, თუმცა, ოპოზიცია მიიჩნევს, რომ რეალური ცვლილებები პროექტში არ შესულა.

Print E-mail
FaceBook Twitter
მსგავსი სიახლეები
ქუთაისში, დავით აღმაშენებლის
სახელობის აეროპორტში იტალიიდან ჩამოფრენილ მგზავრს მაღალი
ტემპერატურის დაფიქსირების გამო ინფექციურ საავადმყოფოში
გადაიყვანეს.
20:34 / 24.02.2020
ქუთაისში, დავით აღმაშენებლის სახელობის აეროპორტში იტალიიდან ჩამოფრენილ მგზავრს მაღალი ტემპერატურის დაფიქსირების გამო ინფექციურ საავადმყოფოში გადაიყვანეს.
ქუთაისში, ნიკეას ქუჩაზე მდებარე სოციალურ
საცხოვრისში მერიის თანამშრომლის ცემის ფაქტზე გამოძიება
დაიწყო.
17:13 / 24.02.2020
ქუთაისში, ნიკეას ქუჩაზე მდებარე სოციალურ საცხოვრისში მერიის თანამშრომლის ცემის ფაქტზე გამოძიება დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.