ინტერვიუ
"ქართული ოცნება" და საპატრიარქო ერთად იწყებენ შეტევას თავისუფლების ბოლო ნაშთებზე“ - ირაკლი ხვადაგიანი
FaceBook
5 ივლისის მოვლენებმა საზოგადოებაში კითხვებიც გააჩინა და პასუხებიც.

მედიაზე თავდასხმამ, ხელისუფლებისა და საპატრიარქოს წახალისებამ ძალადობისკენ, პოლიციის უმოქმედობამ ყველაზე მუქი კონტურებით ასახა აწმყო და კიდევ უფრო გააბუნდოვანა მომავალი. ყოველ შემთხვევაში საქართველოს მომავალი ევროპულ სივრცეში.

რაზე მიუთითებენ 5 ივლისის მოვლენები?

გთავაზობთ სხვადასხვა მოსაზრებას და შეფასებას 5 ივლისის დანატოვარზე.

ქუთაისიპოსტის კითხვებს პასუხობს "საბჭოთა წარსულის კვლევის ლაბორატორიის" მკვლევარი ირაკლი ხვადაგიანი.

-  5 ივლისის მოვლენებთან დაკავშირებით ისეთი შთაბეჭდილება რჩება, რომ ხელისუფლება და საპატრიარქო შურს იძიებდა და სჯიდა მედიას ("დასჯა" ღარიბაშვილსაც წამოსცდა).

რის გამო დაისაჯა მედია?

- ხუთმა ივლისმა ცხადი გახადა, რომ "ქართული ოცნება" და საპატრიარქო, როგორც მჭიდრო პარტნიორები, ერთად იწყებენ შეტევას თავისუფლების ბოლო ნაშთებზე. ორთავეს ერთი ინტერესი აქვს - ძალაუფლების შენარჩუნება ნებისმიერ ფასად. ორთავეს მძიმე კრიზისი აქვს და ღია ძალადობით და დაშინების კამპანიით ცდილობენ გადაფარონ ეს და პირიქით, ინიციატივა აიღონ. ამ ეტაპზე პირველი მსხვერპლი მედია აღმოჩნდა, რომელიც უკიდურესად შემაწუხებელია ორივე ძალისათვის, რადგან მათ დანაშაულებებს და კრიზისებს ამხელს და არ აძლევს საშუალებას საზოგადოება პროპაგანდით და ყალბი ამბებით გამოკვებოს.

- მედია შეიძლება ბოლო, ან ერთ-ერთი ბოლო სიმაგრე იყოს საქართველოში , რომელიც დემოკრატიულ ღირებულებებს იცავს. თუკი დამოუკიდებელი მედია დათმობს რა შედეგი დადგება? როგორ სახელმწიფოს მივიღებთ? 

- დამოუკიდებელი მედიის გაქრობა ან კრიტიკულ მინიმუმამდე შემცირება წარმოუდგენლად მძიმე იქნება საზოგადოებისა და ქვეყნისთვის. ერთი მხრივ ეს დააჩქარებს რეჟიმის ხრწნას და მას კლასიკურ ავტორიტარულ სახეს მისცემს, რომელიც უმძიმესი ეკონომიკური კრიზისისა და კორუფციის ჭაობის პირობებში საერთოდ აუტანელი გახდება. მეორე მხრივ, გამოხატვის და კრიტიკის თავისუფლების დახშობა როგორ უმართავ პროცესებს წაახალისებს მოქალაქეებში, ძნელი წარმოსადგენია.

5 ივლისს, "თბილისი პრაიდის" კვირეულის დასკვნით დღეს, ღირსების მარშის ნაცვლად, რადიკალური ჯგუფების მხრიდან, საზოგადოებამ ძალადობის, დარბევის, ვანდალიზმის ბევრი შემთხვევა იხილა."თბილისი პრაიდის" მოწინააღმდეგე ჯგუფები გაუსწორდნენ ჟურნალისტებს, მედიის 53 წარმომადგენელი დაშავდა. მათ შორის, "სირცხვილიას " ოფისთან გაუსწორდნენ "ტვ პირველის" ოპერატორს ლექსო ლაშქარავას. მას დაზიანება თვალის არეშეი ჰქონდა მიყენებული, რის გამო კლინიკაში გადაიყვანეს.

ოპერატორი 11 ივლისს საკუთარ სახლში გარდაიცვალა. მეორე დღეს შსს-მ თქვა, რომ ოპერატორის გარდაცვალების მიზეზი, შუალედური დასკვნით, შესაძლოა, ნარკოტიკული ზედოზირება ყოფილიყო.
Print E-mail
FaceBook Twitter
მსგავსი სიახლეები
5 ივლისს თბილისში, რუსთაველის გამზირი მოძალადე
ჯგუფების თარეშის ადგილად იქცა.
12:51 / 07.07.2021
5 ივლისს თბილისში, რუსთაველის გამზირი მოძალადე ჯგუფების თარეშის ადგილად იქცა.
მიჩნეულია, რომ
საქართველოში ძლიერია ე.წ. დედის კულტი. ამის მტკიცებულებად მოჰყავთ
ენობრივი ფაქტორი - დედაბოძი, დედამიწა, დედააზრი, დედა
ენა.
15:21 / 13.03.2021
მიჩნეულია, რომ საქართველოში ძლიერია ე.წ. დედის კულტი. ამის მტკიცებულებად მოჰყავთ ენობრივი ფაქტორი - დედაბოძი, დედამიწა, დედააზრი, დედა ენა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.