ფოტო
„მითვისებული“ ტროტუარები ქუთაისში (ფოტორეპორტაჟი)
FaceBook
ქუთაისში სეზონის დაწყებასთან ერთად, ქალაქის ცენტრალურ უბნებში ტერასები და ღია კაფეები ეწყობა. კერძო ბიზნესის მფლობელები ადგილობრივ მომხმარებელსა და ტურისტებს მომსახურებას ღია სივრცეში სთავაზობენ, რაც მათი თქმით, ზაფხულის ცხელ დღეებში სასიამოვნო და მიმზიდველია.

ღია კაფეებისა და ტერასების უმეტესი ნაწილი ტროტურებზეა განთავსებული. უმეტეს შემთხვევაში ასეთ ობიექტებს ქვეითებისთვის განკუთვნილი ტერიტორიის ნაწილი, ხოლო, ზოგ შემთხვევაში, თითქმის მთლიანი ტროტუარი უკავია.

კაფეებსა და ბარ-რესტორნებს მათ მიმდებარედ არსებული ტროტუარები ქუთაისის მერიის ნებართვით, იჯარით აქვთ აღებული.

ყოველთვიური თანხა, რომელიც გასაიჯარებელი ტერიტორიის კვადრატული მეტრობით განისაზღვრება, მინიმალურია.

ქალაქის ბიუჯეტში სეზონური ბიზნესისთვის ყოველთვიურად 50 ლარს იხდის "ჩვენი კაფე", რომელსაც 10 კვ.მ.-ზე რამდენიმე მაგიდა აქვს განთავსებული.

კაფის მეპატრონე ამბობს, რომ მისი ბიზნესი ქვეითებს პრობლემებს არ უქმნის.

"ტროტუარის იმ ნაწილს, რომელიც იჯარით გვაქვს აღებული, სიგრძე უფრო მეტი აქვს, ვიდრე განი. შესაბამისად, ფეხით მოსიარულეებს პრობლემა არ ექმნებათ", - ამბობს "ჩვენი კაფეს" მეპატრონე, მაკა დოღონაძე.



გასულ სეზონებზე, ბარ-რესტორან "დეჟა ვუს" მთლიანად ეკავა მის წინ არსებული ტროტუარის 15 მეტრიანი მონაკვეთი პუშკინის ქუჩაზე. ახლა კი მისი ახალი მეპატრონე ამბობს, რომ ქვეითებისთვის გადასაადგილებლად ტროტუარის ნაწილი გათავისუფლეს.

"ჩემამდე მთლიანად იყო დაკავებული, ახლა გავეკეთეთ ისე, რომ ადამიანს არ მოუწიოს ქვაფენილზე ჩასვლა. თუ რამე მოთხოვნა იქნება და ხელს შეუშლის ვინმეს, გავითვალისწინებთ აუცილებლად", - ამბობს "დეჟა ვუს" წარმომადგენელი, ვიტალი ხურციძე.



იჯარის თანხის რაოდენობა და აღებული ტერიტორიის მოცულობა ზუსტად არ ახსოვს ბარ-რესტორან "ალმანოს" მენეჯერს.

გიორგი კვატაშიძე ამბობს, რომ მისი ბიზნესის გამო, რომელიც ყველა სეზონზე მუშაობს, ქვეითებს გადაადგილების პრობლემა არ ექმნებათ.

"დაწესებულია რაღაც თანხა, რომელსაც რიცხავს ბუღალტერი. ზუსტი რაოდეობა არ ვიცი. ქვეითებს დაბრკოლება არ ექმნებათ. რისი უფლებაც მოგვცა მერიამ, იმ ტერიტორიას ვიყენებთ",-ამბობს გიორგი კვატაშიძე.



ქუთაისის მერი, შოთა მურღულია ქალაქის ცენტრალურ ნაწილში კერძო ბიზნესის მიერ ქვეითებისთვის განკუთვნილი ტერიტორიის ნაწილის დაკავებას, ტურიზმით ხსნის და ამბობს, რომ ეს ქალაქს ტურისტულად მიმზიდველს ხდის.

"ყველგან ასეა. მთელ ევროპაშია ღია კაფეები და ტერასები. ლამაზია, მიმზიდველია ტურისტებისთვის. გარდა ამისა, ეს ადამიანები ბიუჯეტშიც იხდიან თანხას",-ამბობს შოთა მურღულია.

















ე.წ. ღია კაფეების სეზონი ქუთაისში მაისის ბოლოს იწყება და სექტემბრის მიწურულს სრულდება.

Print E-mail
FaceBook Twitter
მსგავსი სიახლეები
ქუთაისში ძლიერ ყინვასთან ერთად ქალაქის სხვადასხვა ადგილას არსებული
შადრევნები ნახევრად გაყინულია. 
12:56 / 12.02.2020
ქუთაისში ძლიერ ყინვასთან ერთად ქალაქის სხვადასხვა ადგილას არსებული შადრევნები ნახევრად გაყინულია. 
ქუთაისის თოჯინების თეატრში
სარემონტო სამუშაოები დასრულდა.
14:40 / 14.01.2020
ქუთაისის თოჯინების თეატრში სარემონტო სამუშაოები დასრულდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.