ფოტო
სამოხელეო დანაშაული საქართველოში (ინფოგრაფიკა)
FaceBook
შინაგან საქმეთა სამინისტრომ ვებგვერდზე 2014-2015 წლებში 9 თვეში (იანვარი–სექტემბერი) რეგისტრირებული დანაშაულის სტატისტიკა გამოაქვეყნა.
მონაცემების მიხედვით, 2015 წელს 9 თვის განმავლობაში, ქვეყნის მასშტაბით სამოხელეო დანაშაულის 417 ფაქტი დაფიქსირდა, 2014 წლის ანალოგიურ პერიოდში კი – 308.

დანაშაულის ეს ჯგუფი აერთიანებს სამსახურებრივი უფლებამოსილების ბოროტად გამოყენებას, უფლებამოსილების გადამეტებას, სამსახურებრივ გულგრილობას, სიყალბეს, ქრთამის აღებასა და მიცემას.

რეგისტრირებული დანაშაულის მონაცემებს აქვეყნებს სტატისტიკის ეროვნული სამსახურიც, სადაც მითითებულია, რომ 2015 წელს სამოხელეო დანაშაულის 592 შემთხვევა დაფიქსირდა, ხოლო 2016 წლის I და II კვარტალში – 384.

შს სამინისტროსა და სტატისტიკის ეროვნული სამსახურის მიერ გამოქვეყნებული მონაცმების შესახებ არასამთავრობო ორგანიზაციამ "ინფორმაციის თავისუფლების განვითარების ინსტიტუტი" (IDFI) კვლევა ჩაატარა.

"შინაგან საქმეთა სამინისტროს მიერ სტატისტიკური ინფორმაციის არასრულად და არათანმიმდევრულად გამოქვეყნება აჩენს ეჭვებს, რომ უწყება ხელოვნურად აფერხებს ქვეყანაში არსებული კრიმინოგენური მდგომარეობის შესახებ ინფორმაციის გასაჯაროებას. ამასთან, ურთიერთგამომრიცხავი მონაცემების გამოქვეყნება მნიშვნელოვნად აზიანებს შინაგან საქმეთა სამინისტროს მიერ წარმოებული მონაცემებისადმი საზოგადოების ნდობის ხარისხს," – აღნიშნულია ორგანიზაციის კვლევაში.

IDFI–მ შინაგან საქმეთა სამინისტროს მოუწოდა სრულად, თანამიმდევრულად და ყოველთვიურად გამოაქვეყნოს დანაშაულის მაქსიმალურად დეტალიზებული სტატისტიკა, რათა საზოგადოებას შეექმნას რეალური სურათი ქვეყანაში არსებული დანაშაულის მდგომარეობის შესახებ.

ასევე, ყოველთვიურად მიაწოდოს სტატისტიკის ეროვნულ სამსახურს დეტალური/ჩაშლილი დანაშაულის სტატისტიკური მონაცემები, ხოლო საქსტატმა, თავის მხრივ, უზრუნველყოს აღნიშნული მონაცემების საკუთარ ვებ-გვერდზე გამოქვეყნება.

შს სამინისტროს და სტატისტიკის ეროვნული სამსახურის მონაცმებზე დაყრდნობით, ქუთაისიპოსტი გთავაზობთ, სამოხელეო დანაშაულის შესახებ მომზადებულ ინფოგრაფიკას:


Print E-mail
FaceBook Twitter
მსგავსი სიახლეები
ქუთაისის საერთაშორისო უნივერსიტეტში, რომელსაც
სტუდენტები ჯერ კიდევ გასულ წელს უნდა მიეღო, სამუშაოები ახლაც
მიმდინარეობს.
20:00 / 02.06.2020
ქუთაისის საერთაშორისო უნივერსიტეტში, რომელსაც სტუდენტები ჯერ კიდევ გასულ წელს უნდა მიეღო, სამუშაოები ახლაც მიმდინარეობს.
ქუთაისში პანდემიის შემდეგ გახსნილ
ბაზარში ფასი მოვაჭრეებმა თითქმის ყველა პროდუქტზე გააორმაგეს.
15:39 / 20.05.2020
ქუთაისში პანდემიის შემდეგ გახსნილ ბაზარში ფასი მოვაჭრეებმა თითქმის ყველა პროდუქტზე გააორმაგეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.