ფოტო
ცენტრალური მოედნიდან პარლამენტამდე - ფოტორეპორტაჟი
FaceBook
ქუთაისში ცენტრალურ მოედანზე დაწყებულმა პროტესტმა პარლამენტის შენობასთან გადაინაცვლა.

აქციის მონაწილეებმა ბანერი წარწერით "მე საქართველოდან ვარ, ჩემი ქვეყანა ოკუპირებულია რუსეთს მიერ", პარლამენტის შენობასთან მიიტანეს. ეს გადაწყვეტილება აქციის მონაწილეებმა მას შემდეგ მიიღეს, რაც ცენტრალურ მოედანზე აღნიშნული ბანერის გაშლის უფლება სამართალდამცავებმა არ მისცეს. პარლამენტთან აქციის მონაწილეებს პოლიცია დახვდა, თუმცა, მათ აქტივისტებისთვის ბანერის გაშლაში ხელი არ შუშლიათ. იმის გამო, რომ პარლამენტთან ყველა გარეგანათება გათიშული იყო, აქციის მონაწილეები ტერიტორიას ავტომანქანების ფარებისა და ტელეფონების შუქით ანათებდნენ.


















ქვეყნის მასშტაბით აქციები მეორე დღეა მიმდინარეობს.

მოქალაქეების პროტესტის მიზეზი საქართველოს პარლამენტში რუსეთის დუმის დეპუტატის, სერგეი გავრილოვის მიერ მართლმადიდებლური ასამბლეის ფარგლებში პარლამენტის თავმჯდომარის სავარძლის დაკავება და სესიის რუსულ ენაზე წაყვანა გახდა.

პროტესტის ტალღამ თითქმის ყველა ქალაქი მოიცვა. 20 ივნისს რუსთაველის გამზირზე აქციის მონაწილეებმა პარლამენტში შეჭრა სცადეს, თუმცა, სამართალდამცველებმა ამის შესაძლებლობა არ მისცეს. აქციის მონაწილეების მიმართ გამოყენებული იქნა რეზინის ტყვიები და ცრემლსადენი გაზი.

რუსთავლეზე განვითარებული მოვლენების შედეგად 240 ადამიანი დაშავდა. სხვადასხვა სახის დაზიანება მიიღო მედიის 31-მა წარმომადგენელმა. თანამდებობა უკვე დატოვა პარლამენტის თავმჯდომარემ, ირაკლი კობახიძემ და საპარლამენტო უმრავლესობის წევრმა, ზაქარია ქუცნაშვილმა, თუმცა, აქციის მონაწილეები მიიჩნევენ, რომ ეს საკმარისი არ არის და პოსტიდან უნდა გადადგეს შინაგან საქმეთა მინისტრი, გიორგი გახარიაც.
Print E-mail
FaceBook Twitter
მსგავსი სიახლეები
ქუთაისში, საერთაშორისო
საუნივერსიტეტო კომპლექსის  რამდენიმე
კორპუსის მშენებლობა  თითქმის დასრულებულია.
17:39 / 12.08.2020
ქუთაისში, საერთაშორისო საუნივერსიტეტო კომპლექსის  რამდენიმე კორპუსის მშენებლობა  თითქმის დასრულებულია.
ქუთაისის საერთაშორისო უნივერსიტეტში, რომელსაც
სტუდენტები ჯერ კიდევ გასულ წელს უნდა მიეღო, სამუშაოები ახლაც
მიმდინარეობს.
20:00 / 02.06.2020
ქუთაისის საერთაშორისო უნივერსიტეტში, რომელსაც სტუდენტები ჯერ კიდევ გასულ წელს უნდა მიეღო, სამუშაოები ახლაც მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.