ბლოგები
მარო მაყაშვილი და... ნუცა! 25 თებერვალი
FaceBook
წამოვიდა წვიმა, თქეში, ადიდდა მდინარეები...
წაიღო ფოილოს ხიდი ღვარცოფმა. ამან სტიქიის წინსვლა ოდნავ შეაჩერა.
ტფილისს იმ ღამით აღა-მაჰმადხანი ესიზმრა, რომელიც ბოროტად იღიმოდა, ხელს რკინისა და ფოლადის კაცებზე იშვერდა და დაშიფრულ დეპეშას კითხულობდა:
"ახლავე შეუტიე, დასტურია, აიღე ქალაქი..."


კოჯორი და ტაბახმელა გაამაგრეს ქართველებმა.
იუნკრები,
კადეტები,
მოხალისეები ტფილისის სადარაჯოზე დამდგარიყვნენ. წვიმას თოვლი მოჰყვა და სანგრების გაჭრა გაჭირდა, მაგრამ მაინც გათხარეს...
ჩაწვნენ...
და მტერიც ჩააწვინეს.
მოდიოდა ღვარცოფი, მაგრამ არც იუნკერები და არც კადეტები არ შეშინებულან, - იქით გადავიდნენ შეტევაზე და მტერს ათობით კილომეტრი ერთ ღამეში უკან დაახევინეს. ყველაფერი გამარჯვებისკენ მიდიოდა... მაგრამ...
მთავრობამ ტფილისი დატოვა - უბრძოლველად! და გაემზადა ემიგრაციაში წასასვლელად.
არსად ჩანდნენ მეგობრები - გერმანია და არტურ ლაისტები, ინგლისი და უორდროპები - ტფილისის თავზე წითელი დროშა ფრიალებდა!
იმ დღის შემდეგ, რაც ბოლშევიკები დაეპატრონნენ საქართველოს, ტფილისი საკუთარ თავში ჩაიკეტა, გლოვობდა იმ სიბნელეში და ქარცეცხლის წვიმაში დაღუპულ მარო მაყაშვილს.
ასეთი გლოვით ტფილისი არასოდეს ყოფილა დამწუხრებული.
ასე მგონია, იუნკრები და მარო მაყაშვილი, სამასი არაგველივით და თინა წავკისელივით, დღესაც ტფილის-ქალაქის მარადი დარაჯები არიან.
მერე, ახალმა მთავრობამ ყველაფრის ნგრევას მოჰყო ხელი...
უნდა დავიწყნოდა ხალხს ყველაფერი, რაც აქამომდე იყო,
ის, რომ საქართველო ქვეყანა იყო...
და მხოლოდ ის უნდა ხსომებოდათ, რომ საქართველო ქვეყნად და სახელმწიფოდ მხოლოდ საბჭოთა რუსეთმა აქცია.
სამწუხაროდ, მრავალთა მეხსიერებაში ეს დღესაც ასეა.
თუმცა, დღეს 25 თებერვალია, 1921-ში, იმ ოთხმოცდათექვსმეტი წლის წინათ მოცელილი თაობის ტკივილი ახლაც ტანში გვცვრის და გვაციებს... სისხლი გვეყინება.
საქართველო ქვეყნად დარჩა!
ის დამპყრობელი იმპერია კართაგენივით დაიმსხვრა.
და ჩვენ, მისხალ-მისხალ გვახსოვს კადეტების, იუნკრების სახელები, ზვარაკად რომ შეეწირნენ ჩვენს სამშობლოს. ახალგაზრდა მოხალისეები - ქეთო ჯაფარიძე, სუსანა ღამბაშიძე, სოფიო ჭრელაშვილი, ნათელა ერისთავი... გვახსოვს მარო მაყაშვილი...

თებერვლის ამ დღემ ვერც ამ საუკუნეში მოიცილა რუხი ფერები...
დღეს, თბილისში, მარო მაყაშვილის ტოლა ქართველ გოგონას ჩამოასვენებენ პარიზიდან - ნუცა მახვილაძეს... მასაც ჭკვიანს, ლამაზს, მომავალ დედას, ქვეყანას რომ ეიმედებოდა, ისეთს.
რატომ მარო მაყაშვილი? და საერთოდ, რატომ ახალგაზრდები?
რატომ? რატომ? რატომ?
იქნებ ჩვენ ქვეყანას დაბრძენებულნი, ჭარმაგ ასაკში შესულები უკეთ გამოდგომოდნენ... ვინ იცის?!
"თოვდა და თბილისს ებურა თალხი...
გულღვიძრად იყო ქალაქი ჩემი,
საშინელებას კვლავ სჭედდა გრდემლი"

Print E-mail
FaceBook Twitter
მსგავსი სიახლეები
თუკი რომელიმე მხიარული ტესტი უცნაურ და არც თუ ჭკვიანურ დავალებას
მოგვცემს, რომ მაგალითად, - თავისუფლება წელიწადის რომელიმე დროსთან
დავაწყვილოთ, პასუხი, უხერხულად მარტივი ლოგიკით, ზაფხული იქნება.
10:34 / 21.06.2022
თუკი რომელიმე მხიარული ტესტი უცნაურ და არც თუ ჭკვიანურ დავალებას მოგვცემს, რომ მაგალითად, - თავისუფლება წელიწადის რომელიმე დროსთან დავაწყვილოთ, პასუხი, უხერხულად მარტივი ლოგიკით, ზაფხული იქნება.

აღდგომა საბჭოთა კავშირში დევნილი
დღესასწაული იყო. შეიძლება იმაზე მეტად დემონიზებული, ვიდრე შობის
დღესასწაული.
14:03 / 24.04.2022
აღდგომა საბჭოთა კავშირში დევნილი დღესასწაული იყო. შეიძლება იმაზე მეტად დემონიზებული, ვიდრე შობის დღესასწაული.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.