ბლოგები
ვინ იყო გოგონა, რომელსაც „გამარჯვების კოცნა“ მიუძღვნეს
FaceBook

ეს ფოტო ჩემს მეხსიერებაში, პირველად, მგონი 20 წლის წინათ, ახალი ჩამოსული რომ ვიყავი ნიუ-იორკში, მაშინ გაჩნდა.


მხვდებოდა ყველგან, - ზოგჯერ რომელიმე საიუბილეო ჟურნალის გარეკანზე, საგამოფენო სივრცეებშიც, მანჰეტენზე, მადამ ტუსოს მუზეუმშიც ვნახე, მახსოვს.

 

ვიცოდი, რომ “გამარჯვების კოცნას” უწოდებდნენ და იმ ადგილასაც ვმდგარვარ თაიმს სკვერზე, სადაც შეიძლებოდა გადაღებული ყოფილიყო ეს კადრი.

 

მერე და მერე, ხშირ-ხშირად ტელევიზორის ეკრანიდანაც ჩამესმებოდა აქა-იქ ამ სურათზე გამოსახული პიროვნებების შესახებ “ახალი აღმოჩენები”.

 

ვინ გადაიღო ეს ფოტო იცოდნენ, როგორ და როდის, ისიც.

 

მაგრამ, აი, ფოტოზე გამოსახულ გოგონობას ბევრი იბრალებდა.

 

თავიდანვე ვიტყვი, ამ ფოტოს ორი ვერსია არსებობს, სხვადასხვა კუთხიდან გადაღებული. ერთი, რომელშიც თაიმს სქვერის შუაგული ჩანს, ეკუთვნის ჟურნალ ლაიფის ფოტოგრაფს ალფრედ აიზენშტადტს; ხოლო მეორე სამხედრო ფოტოგრაფს ვიქტორ ჯორგენსენს.

 

ორივე ერთდა იმავე დროს, 1945 წლის 14 აგვისტოს საღამოს 5 საათსა და 51 წუთზეა გადაღებული, ერთი და იგივე წყვილი, ოღონდ სხვა რაკურსიდან.

 

აიზენშტადტი ასე აღწერდა გადაღების სცენას: თაიმს სქვერზე მორბენალი ერთი მეზღვაური დავინახეო, რომელიც ყველა შემხვედრ მანდილოსანს კოცნიდაო, - ეს ბებია იქნებოდა, მსუქანი თუ სუსტიო. შემდეგ დავინახე, რომ რაღაც თეთრი ჩაიხუტაო. ჩავაჩხაკუნე და ასე გადავიღე თუ როგორ კოცნიდა მეზღვაური მედდასო.

 

მედდასაც მუქი რომ ცმოდა ტანთ, ამ სურათს არასოდეს გადავიღებდიო.

 

ეს ფოტო ლაიფმა” 1945 წლის 27 აგვისტოს ნომერში დაბეჭდა. აი, ის მეორე ვერსია კი გაცილებით ადრე, მეორე დღესვე დაბეჭდა ნიუ-იორკ თაიმსმა”, მაგრამ იმდენი მოწონება არ მოყოლია, რამდენიც იმ პირველს, რადგან იქ ფონად ლოკაცია არ ჩანდა მთელი სიცხადით.

 

ჟურნალმა ლაიფი და მეცნიერთა მრავალმა ჯგუფმა დაასკვნა, რომ ფოტოზე გამოსახული მეზღვაური ნამდვილად გახლავთ ჯორჯ მენდონსა, რომელიც წლეულს, რამოდენიმე თვის წინათ 95 წლის ასაკში გარდაიცვალა.


ათასი გარჩევების საგანი იყო მედდის ვინაობა ამ ფოტოზე.

რადგანაც სახე გარკვევით არ ჩანს ამ ფოტოზე, ბევრმა, ძალიან ბევრმა დაიბრალა იმ კოცნის ადრესატობა.

 

თუმცა, 60-წლიანი გარჩევების შემდეგ, მათ შორის მრავალი საგამომძიებო წიგნის გამოცემის და ფოტო-ანალიტიკოსების დისკუსიების შემდეგ, დადგინდა რომ ფოტოზე გამოსახული მედდა გახლავთ გრეტა ზიმმერ ფრიდმანი, რომელმაც 2005 წელს ინტერვიუში განაცხადა, რომ მას არ უკოცნია მენდონსასთვის, ის იმდენად ძლიერი იყო, უბრალოდ წინააღმდეგობა ვერ გაუწია.

 

მე მყავდა ტკბილი ბებია, ბუცა. ყველა ამბავს, ზღაპარს, იგავს, რასაც მოგიყვებოდა, უმიზეზოდ არასოდეს ყოველთვის რაღაც მორალით აუცილებლად დაასრულებდა.

 

ახლა აღარ არის ცოცხალი ჩემი ბუცა ბებია, თუმცა ცოცხალი რომ იყოს და ამ ამბავს ისმენდეს, აუცილებლად დაამატებდა ეპილოგად ამ მორალს:

 

არც კაცმა უნდა აკოცოს უცნობ გოგოს, და გოგომ ხო, მითუმეტეს!”

 

ვის კოცნი და რატომ კოცნი, უნდა იცოდე!

და თუ იმ კოცნის გემოც გემახსოვრება, მთლად კაი!

FaceBook Twitter
მსგავსი სიახლეები

ვიღაც შემეკამათება, ჩხუბი და
დაძაბულობა არცერთ საქმეში არ ვარგაო.


გაურკვევლობა, მთლად
უარესიაო.
ქვემოთ, რასაც
მოგიყვებით, სრულებით
საპირისპიროს ამტკიცებს.
08:27 / 15.06.2019

ვიღაც შემეკამათება, ჩხუბი და დაძაბულობა არცერთ საქმეში არ ვარგაო.

გაურკვევლობა, მთლად უარესიაო.

ქვემოთ, რასაც მოგიყვებით, სრულებით საპირისპიროს ამტკიცებს.

როგორია სხვადასხვა პროფესიიდან დანახული ევროპული გზა? - ამ კითხვაზე
პასუხებს
16:04 / 25.04.2019
როგორია სხვადასხვა პროფესიიდან დანახული ევროპული გზა? - ამ კითხვაზე პასუხებს "ქუთაისიპოსტის" მიერ მომზადებულ ვიდეობლოგებში იპოვით.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ვენა, ვარშავა, ვილნიუსი, კატოვიცე, პრაღა - ქუთაისიდან მგზავრები ყველაზე მეტად ამ ქალაქებში დაფრინავენ.
მესხიშვილის თეატრი  134 -ე თეატრალურ სეზონს 25 ივლისს დახურავს სპექტაკლით „ბულბულის ნისკარტი“ (რეჟისორი გიორგი სიხარულიძე).
20 ივლისს,  მესხიშვილის თეატრში სპექტაკლის " ხალხის მტერი" პრემიერა გაიმართება.
ჭიათურაში მცხოვრებ ცხრა დევნილ ოჯახს ბინა გადაეცემა.
18 ივლისს ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეტარი  50-ე თეატრალურ სეზონს დახურავს.
ქუთაისში ზურაბ ანჯაფარიძის ქუჩა  #60-ში მცხოვრები ეფრემიძეები დახმარებას ითხოვენ.
"ტორპედო" -"ორდაბასის" მატჩზე დასწრების მსურველებისთვის ქუთაისის მერიამ უფასო ავტობუსები გამოიყო.
სამტრედიის ბაღებში ცხენის ხორცის შეტანის ფაქტზე დაკავებულ ნუგზარ  მარკოიძეს,  ქუთაისის საქალაქო სასამართლომ 20 000 ლარიანი  გირაოს სანაცვლოდ გათავისუფლებაზე უარი უთხრა.