პოლიტიკა
თეთრი ხიდის არაჩვეულებრივი ტრადიცია – როგორ "ინათლებოდნენ" ქუთაისელად (ვიდეო)
FaceBook
თეთრი ხიდი ქუთაისის სიმბოლოდ ითვლება. თუმცა სანამ სიმბოლო გახდებოდა, უფრო სასარგებლო და მიმზიდველი ფუნქცია ქონდა. 

ხიდმა განსაკუთრებულობა მეოცე საუკუნის შუა ხანებში შეიძინა, როდესაც იგი ქუთაისელების მთავარი  და საყვარელი თავშეყრის ადგილად იქცა.

აქ იკრიბებოდა მთელი ქალაქი - როგორც ახალგაზრდები და ხანდაზმული, დარბაისელი ქუთაისელები, ონავრები და ჯიბგირები, ისე პოეტები და სპორტსმენები. 

იგი იყო მთავარი მოვლენების ცენტრი და სხვადასხვა ტრადიციების დამამკვიდრებელი.

თეთრი ხიდიდან ერთხელ მაინც ყველა "ნამდვილი" ქუთაისელი გადამხტარა.

ქუდებსაც მარტო "პიკასოს ბიჭი" არ იტაცებდა. ეს საქმიანობა ქალაქელი ბიჭ-ბუჭების მთავარი გასართობი გახლდათ:



ქუთაისელი მამაკაცებისთვის თეთრი ხიდის მშვიდობიანად დატოვება მარტივი საქმე არ იყო. ყურადღებით უნდა ყოფილიყო, ან ქუდს მოსტაცებდა ვინმე ონავარი ან ჯიბეს ამოუსუფთავებდა რომელიმე ხელმრუდი. თუმცა, ხიდზე ყურადღებით გავლა მაინც რთული იყო,  რადგან ყველას თვალი თეთრი ხიდიდან და ე.წ. აბანოს თავიდან მხტომელებისკენ ჰქონდა. 

მდინარე მაშინ წყალუხვი გახლდათ, რადგან რიონჰესი ჯერ არ იყო აშენებული. თუმცა აბანოს თავიდან გადმოხტომა მაინც საშიში იყო. მხტომელი კარგად ვერ ხედავდა სად ხტებოდა, ეს კი დიდ სიმამაცეს ითხოვდა. "ასი ბიჭიდან ათი თუ გაბედავდა", - ყვება ქუთაისელი მიხეილ ხაჩიძე.

მიუხედავად ამისა, „ქუთაისელად“ ნათლობა ასობით ახალგაზრდამ მიიღო.

როგორც ხანდაზმული ქუთაისელები ყვებიან, საშიში ადგილიდან რიონში გადახტომის დროს, არც ერთი უბედური შემთხვევა არ მომხდარა. რიონი შემწყნარე აღმოჩნდა მამაცების მიმართ.

თეთრ ხიდს ბევრმა სახელოვანმა ადამიანმა დააჩინა თავისი კვალი, დატოვა ტრადიციები და ლეგენდები.

ერთ-ერთი ქალაქური ლეგენდის თანახმად, ცნობილი ქუთაისელი მოჭიდავე კოლია ქვარიანი ისეთი ძლიერი ყოფილა, რომ თავის მოწაფეებს შეისვამდა მხრებზე და ისე გადაცურავდა თეთრის ხიდის მიმდებარედ რიონის რაღაც მონაკვეთს. მისი სახელობის იყო ის ადგილი მდინარეში, სადაც ყველაზე სწრაფია რიონი. როგორც ქუთაისის სპორტის მუზეუმის დირექტორი ზურაბ ჯავახაძე ყვება, კოლია ქვარიანი მდინარის იმ რთულ მონაკვეთში ცურავდა, დინების საპირისპიროდ. ეს იმდენად შთამბეჭდავი სანახაობა იყო,  რომ რიონის ჩქერებს კოლია ქვარიანის სახელი შეარქვეს.

თეთრ ხიდთან უპოვია რეჟისორ კოტე მარჯანიშვილს მსახიობი გიორგი შავგულიძე.

ხიდის ახლო-მახლოს, რიონში ვარჯიშობდა ქუთაისელ წყალბურთელთა გუნდი. რადგან იმ, ერთდროულად ნათელსა და ბნელ დროებაში სხვა სავარჯიშო ადგილი არ ჰქონდათ.

მოკლედ თეთრ ხიდს, ერთ დროს სხვა ფუნქცია ქონდა. იგი  ქალაქელების საკუთრება, მშობლიური და თბილი ადგილი იყო.
FaceBook Twitter
მსგავსი სიახლეები

ახლა, დიდი კამათია ატეხილი
სოციალურ ქსელში საქართველოს პარლამენტში განსახილველად შესულ ბავშვთა
უფლებების კანონის შესახებ. თუ ეს კანონი ძალაში შევა, ამბობენ, რომ
მშობელს ბავშვის დასჯა აეკრძალება და ეს შეიძლება სამართალდამცავთა
მხრიდან დასჯადი გახდეს.
08:14 / 21.11.2019

ახლა, დიდი კამათია ატეხილი სოციალურ ქსელში საქართველოს პარლამენტში განსახილველად შესულ ბავშვთა უფლებების კანონის შესახებ. თუ ეს კანონი ძალაში შევა, ამბობენ, რომ მშობელს ბავშვის დასჯა აეკრძალება და ეს შეიძლება სამართალდამცავთა მხრიდან დასჯადი გახდეს.

ქუთაისში საპროტესტო აქციის მონაწილეებმა მერიის
შენობის წინ
19:00 / 20.11.2019

ქუთაისში საპროტესტო აქციის მონაწილეებმა მერიის შენობის წინ "ბიძინა" სტაფილოებით დაწერეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში, ლადო მესხიშვილის თეატრის წინ, ბავშვთა მიმართ ძალადობის შემცირებისკენ მიმართული კამპანია ,,თქვენთვის შეტყობინებაა’’ გაიმართა.
თავისუფალი სტილით მოჭიდავე  ბექა ლომთაძე  27 წლისაა და უკვე მსოფლიო ჩემპიონია. ასევე, მის ანგარიშსზეა საქართველოს მრავალგზის ჩემპიონობა და  სამგზის მსოფლიო ვიცე ჩემპიონობაც.
ქუთაისის #2 ციხეში  პატიმარი 51 დღეა  პროტესტის ნიშნად შიმშილობს.
მესხიშვილის თეატრში წლის ბოლომდე ორ ახალ სპექტაკლს წარმოადგენენ.
ქუთაისის ყოფილი ვიცე-მერი ნოდარ მიქიაშვილი 39 წლის ასაკში, დღეს ნიუ-იორკში, საცხოვრებელ სახლში გარდაიცვალა.
ქუთაისში, პროპორციული საარჩევნო სისტემის მოთხოვნით მიმდინარე საპროტესტო აქციამ მერიის წინ გადაინაცვლა.
მე-19 საუკუნის ბოლოს და მე-20 საუკუნის დასაწყისში ქუთაისის არქტიტექტურული სტილი რადიკალურ ცვლილებას განიცდის.
ჭიათურის მუნიციპალიტეტ სოფელ შუქრუთში მოსახლეობამ მაღაროების პიკეტირება დროებით შეწყვიტა.