პოლიტიკა
"მაღაროს მემანქანემ ხელის მტევანი დაკარგა" - საწარმოო შემთხვევა ჭიათურაში
FaceBook
საქართველოს პროფკავშირების ინფორმაციით, ჭიათურაში, ითხვისის მაღაროში საწარმოო შემთხვევის შედეგად მემანქანემ ხელის მტევანი დაკარგა.

მაღაროს სკრეპერის მემანქანის, 55 წლის ამირან გოგატიშვილის მდგომარეობა სტაბილურად მძიმეა. ის საჩხერის საავადმყოფოშია გადაყვანილი და მკურნალობას გადის.

საწარმო შემთხვევა 29 ოქტომბერს მოხდა, რომლის გამოწვევი ზუსტი მიზეზები ჯერჯერობით უცნობია. პროფკავშირების წარმომადგენლები ვარაუდობენ, რომ ინცინდენტი ტექნიკურმა გაუმართაობამ გამოიწვია.

"როგორც ადგილობრივი დასაქმებულები ყვებიან ჯალამბრის ბაგირმა მარყუჟი გაიკეთა, ამირან გოგატიშვილმა კი მისი გასწორება სცადა. როგორც ჩანს ჯალამბარზე ბაგირი იმაზე სწრაფად დაიჭიმა ვიდრე იგი ვარაუდობდა და ბაგირის მარყუჟის დიამეტრის მომენტალური შემცირების შედეგად მარცხენა ხელის მტევანი მაჯის ქვემოთ მოწყვიტა. 

წინასწარ, დაზუსტებით თქმა შეუძლებელია თუ რამ გამოიწვია ინცინდენტი, მაგრამ წესით ბაგირი არ უნდა იკეთებდეს მარყუჟს. აქედან გამომდინარე შეიძლება ითქვას, რომ ბაგირი ძველი იყო, თუმცა ამას კვლევა დაადგენს, " – ამბობს მეტალურგიული და სამთო–ქიმიური მრეწველობის მუშაკთა პროკვაშირის თავმჯდომარე თამაზ დოლაბერიძე.

ადგილობრივი დასაქმებულების თქმით, ამირან გოგატიშვილი ძალიან გამოცდილი და საკუთარი საქმის მცოდნე პროფესიონალი მუშაკია.

მომხდარი ფაქტის დეტალების და საწარმო შემთხვევის წარმოშობის მიზეზების კვლევის პროცესში უკვე ჩართულნი არიან საქართველოს მეტალურგიული, სამთო და ქიმიური მრეწველობის მუშაკთა პროფესიული კავშირის ჭიათურის პირველადი პროფკავშირული ორგანიზაციის წარმომადგენლები.

"აუცილებელი საჭიროების შემთხვევაში პროცესში ჩაერთვებიან საქართველოს პროფესიული კავშირების გაერთიანების შრომის დაცვის და იურიდიული დეპარტამენტებიც," - აცხადებენ პროფკავშირებში.
Print E-mail
FaceBook Twitter
მსგავსი სიახლეები
შეავსე ტესტი და გაიგე რამდენად კარგად ჩააბარებდი ერთიან ეროვნულ
გამოცდებს აბიტურიენტი რომ იყო.
13:54 / 12.07.2020
შეავსე ტესტი და გაიგე რამდენად კარგად ჩააბარებდი ერთიან ეროვნულ გამოცდებს აბიტურიენტი რომ იყო.
12 ივლისს ქუთაისის
13:04 / 12.07.2020
12 ივლისს ქუთაისის "ტორპედო" "დინამოს" დაუპირისპირდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.