პოლიტიკა
საქართველოში სამომხმარებლო ფასები შვიდი პროცენტით გაიზარდა
FaceBook
საქართველოს სტატისტიკის ეროვნული სამსახური ნოემბრის თვის ინფლაციის მაჩვენებელს აქვეყნებს, რომლის თანახმად, 2019 წლის ნოემბერში წინა თვესთან შედარებით ინფლაციის დონემ საქართველოში 0.9 პროცენტი,

ხოლო წლიური ინფლაციის დონემ 7.0 პროცენტი შეადგინა.

ამასთავანე, საქსტატის ცნობით, გასული წლის ნოემბერთან შედარებით, სამომხმარებლო ფასები საქართველოში შვიდი პროცენტით გაიზარდა.

საქსტატის მონაცემებით, ბოლო ერთ წელიწადში საქართველოში ყველაზე მეტად ხილი, ასევე თამბაქოს ნაწარმი გაძვირდა:

სურსათი და უალკოჰოლო სასმელები - ფასები გაიზარდა 13.4 პროცენტით.

ფასები მომატებულია შემდეგ ქვეჯგუფებზე: ხილი და ყურძენი (30.3 პროცენტი), ბოსტნეული და ბაღჩეული (16.2 პროცენტი), რძე, ყველი და კვერცხი (15.4 პროცენტი), თევზეული (14.5 პროცენტი), ხორცი და ხორცის პროდუქტები (13.1 პროცენტი), პური და პურპროდუქტები (11.9 პროცენტი), შაქარი, ჯემი და სხვა ტკბილეული (11.5 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (8.2 პროცენტი), ყავა, ჩაი და კაკაო (3.9 პროცენტი), ზეთი და ცხიმი (2.8 პროცენტი);

ალკოჰოლური სასმელები, თამბაქო - ფასები გაიზარდა 15.4 პროცენტით.

ფასები მომატებულია როგორც თამბაქოს ნაწარმზე (29.9 პროცენტი), ისე ალკოჰოლურ სასმელებზე (3.4 პროცენტი);

დასვენება, გართობა და კულტურა- ფასები გაზრდილია 7.0 პროცენტით.

ფასები გაიზარდა დასვენების, გართობისა და კულტურის ხანგრძლივი მოხმარების სხვა საქონელზე (11.6 პროცენტი), ასევე გასართობ და კულტურულ მომსახურებაზე (1.6 პროცენტი);

ტრანსპორტი - დაფიქსირდა ფასების 3.1 პროცენტიანი მატება.

ფასები გაიზარდა სატრანსპორტო საშუალებების შეძენაზე (9.6 პროცენტი), სატრანსპორტო მომსახურებაზე (3.0 პროცენტი) და პირადი სატრანსპორტო საშუალებების ექსპლუატაციაზე (2.6 პროცენტი);

სასტუმროები, კაფეები და რესტორნები - ფასები მომატებულია 7.4 პროცენტით.

ფასები გაიზარდა საზოგადოებრივ კვებაზე (8.4 პროცენტი) და ღამის გასათევით მომსახურებაზე (1.0 პროცენტი).



Print E-mail
FaceBook Twitter
მსგავსი სიახლეები
,,ლეიბორიტული პარტიის
12:10 / 27.09.2020
,,ლეიბორიტული პარტიის" ლიდერმა შალვა ნათელაშვილმა, თბილისში, მეტეხის ტაძრის ეზოდან ამომრჩევლებს, ქვეყნის მასშტაბით, მერობისა და მაჟორიტარობის კანდიდატები წარუდგინა.
ნანუკა ჟორჟოლიანი ვანის, სამტრედიის, ხონისა და
წყალტუბოს რაიონებში მაჟორიტარობის კანდიდატად
წარადგინეს.
08:15 / 24.09.2020
ნანუკა ჟორჟოლიანი ვანის, სამტრედიის, ხონისა და წყალტუბოს რაიონებში მაჟორიტარობის კანდიდატად წარადგინეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.