ახალი ამბები
ჭიათურაში მოსახლეობის პროტესტზე "ჯორჯიან მანგანეზი" განცხადებას ავრცელებს
FaceBook

7 ნოემბერს, ჭიათურაში სოფელ „შუქრუთში“ მაღაროს მიმდებარე ტერიტორია გადაიკეტა, რამაც საწარმოო პროცესის შეჩერება გამოიწვია.


შუქრუთის მაღაროები დღემდე გაჩერებულია. ადგილობრივები კომპანიისაგან ზიანის ანაზღაურებას ითხოვენ. 

"მაღაროს მიმდებარე ტერიტორიის გადაკეტვა მოხდა იმიტომ, რომ მოსახლეობის აზრით, სოფელთან ახლომდებარედ „ჯორჯიან მანგანეზის“ მიერ წარმოებული სამუშაოები სახლების დაზიანებას იწვევს. აღნიშნულ მოვლენას წინ უძღვოდა კომპანიასა და მოსახლეობას შორის მიმდინარე წლის სექტემბერში მიღწეული შეთანხმება, რათა კომისიური წესით ზიანებთან დაკავშირებული პრობლემური საკითხების შესწავლა მომხდარიყო.


შედეგად, მოსახლეობასთან შეთანხმებით, კომპანიამ საკითხის შესასწავლად სპეციალური კომისია შექმნა, რომელმაც სოფელ „შუქრუთში“ არსებული ყველა დაზიანებული სახლი მოინახულა. კომისიის მიერ მოძიებული ინფორმაციით, აღწერილი დაზიანებები არ უკავშირდება კომპანია „ჯორჯიან მანგანეზის“ მიერ სამუშაო პროცესს და ეს გამოწვეულია საბჭოთა კავშირის პერიოდში წარმოებული სამუშაოებით.


ასევე დადგინდა, რომ ხსენებული დაზიანებები იმ პერიოდში შესაბამისი პასუხისმგებელი სამსახურების მიერ კომპენსირებული იყო. იმის გამოსარიცხად, რომ დღეს მიმდინარე სამუშაოები ახდენს თუ არა კონკრეტულ ლოკაციებზე ახალ დაზიანდებებს, მოსახლეობასთან შეთანხმებით კომპანია „ჯორჯიან მანგანეზის“ მიერ მიმდინარე თვის დასაწყისში კომიისიის გადაწყვეტილების თანახმად მოწვეულ იქნა დამოუკიდებელი, გამოცდილი საექსპერტო ჯგუფი „საინჟინრო კვლევების ცენტრი”, რომელთაც კომისიის მიერ მოძიებული ინფორმაციის საფუძველზე კვლევითი სამუშაოები 2019 წლის 29 ოქტომბერს დაიწყო.

პირველადი მონაცემებით შესწავლილი და გამოკვეთილი დაზიანებები არ უკავშირდება „ჯორჯიან მანგანეზის“ მიერ წარმოებულ სამუშაოებს და ირკვევა, რომ „შუქრუთში“ სახლების დაზიანება საბჭოთა პერიოდში სოფლის ქვეშ წარმოებული მანგანუმის მოპოვებით სამუშაოებით არის გამოწვეული; დაზიანებების მეტი წილიც სწორედ იმ პერიოდისაა, თუმცა, აქვე უნდა აღინიშნოს, რომ „ჯორჯიან მანგანეზის“ საქმიანობით განპირობებული ყველა გამოკვეთილი და დადგენილი ზიანი კომპანიის მიერ ანაზღაურებულ იქნა.


კვლევის დასრულებისას „საინჟინრო კვლევების ცენტრი” კონკრეტულ მიზეზებსაც ასახავს დასკვნაში და იმასაც თუ რამდენად ექვემდებარება დაზიანებული სახლები შეკეთებას. 90-იანი წლების დასაწყისში სოფელი „შუქრუთი“ მიწისძვრამაც დააზარალა და მაშინ სახელმწიფომ მოსახლეებზე შესაბამისი კომპენსაციები გასცა. კომპენსაციები გაიცა იმ დათქმით, რომ მიღებული თანხით მოსახლეები ალტერნატიულ საცხოვრებელს სხვაგან შეიძენდნენ.
„ჯორჯიან მანგანეზი” არ არის საბჭოთა პერიოდის წარმოების სამართალმემკვიდრე, რომელიც იმ პერიოდში ახორციელებდა მანგანუმის მოპოვებით სამუშაოებს და არც არანაირი შეხება იმ პერიოდის სამუშაოებთან არ აქვს. „ჯორჯიან მანგანეზი” მიიჩნევს, რომ ეს ფაქტი შუქრუთის მოსახლეობამ იცის, თუმცა მათ უკან მდგომი პირები ცდილობენ მოსახლეობის შეცდომაში შეყვანას, რომლის მიზანი მდგომარეობს საკუთარი ვიწრო ინტერესების შანტაჟის გზით დაკმაყოფილებას.


სამწუხაროდ, ბოლო პერიოდში გახშირდა შემთხვევები, როდესაც კომპანია „ჯორჯიან მანგანეზის“ სალიცენზიო ტერიტორიაზე სხვადასხვა პირები, სავარაუდოდ, გაყალბებული დოკუმენტების საფუძველზე საკუთრებაში უძრავ ქონებას გამიზნულად არეგისტრირებენ, რაც მიგვაჩნია, რომ პირდაპირ არის დაკავშირებული კომპნიასთან და მიზნად ისახავს მატერიალური სარგებლის მიღებას და საწარმოს საქმიანობისთვის ხელშეშლას.
კერძოდ, ყალბი დოკუმენტაციის წარდგენის საფუძველზე კომპანიის მიმართ თანხების გამოძალვა ხდება, რაც „ჯორჯიან მანგანეზის“ საქმიანობას ხელს უშლის, რადგან ამ ტერიტორიებზე კონკრეტული პირების საკუთრების უკანონო რეგისტრაციებით „ჯორჯიან მანგანეზისთვის“ შესაბამისი სამუშაოების ხელშეშლა ხდება.


მოგეხსენებათ, რომ ზემოთ ხსენებული რეგისტრაციები და მათ შესაბამისად მესაკუთრეთა მიერ კომპანიის მისამართით წაყენებული არაკეთილსინდისიერი მოთხოვნები არა მხოლოდ აფერხებს კომპანიის მიერ დაგეგმილ და დროში გაწერილ სამუშაოებს, არამედ მნიშვნელოვნად ზრდის ამა თუ იმ მოპოვებითი სამუშაოებისთვის წინასწარ დამტკიცებულ ბიუჯეტს. ეს ყოველივე, კი ქმნის ისეთ გარემოს, რა გარემოშიც კომპანიის მიერ საწარმოო პროცესების დაგეგმვა და სამომავლო პროგნოზირება შეუძლებელი ხდება.


შესაბამისად, იმ შემთხვევაში, თუ კი დროულად არ დარეგულირდება ზემოთ დასახელებული საკითხი და აღკვეთილი არ იქნება გაყალბებული დოკუმენტაციის შესაბამისად რეგისტრაციები, საწარმო ვეღარ შეძლებს შეუფერხებლად საქმიანობასა და სამუშაოთა წამორმოებას. აქედან გამომდინარე, აღნიშნული პირდაპირპროპორციულად აისახება მის საქმიანობაზე და 3 400 თანამშრომელზე, რომლის თავიდან არიდებისათვის კომპანია ძალღონეს არ იშურებს.


„ჯორჯიან მანგანეზი” ყოველთვის, როდესაც სახეზეა მისი სამუშაოებით გამოწვეული ნებისმიერი ზიანი, მოსახლეობისადმი თუ ეკოლოგიური კუთხით, სრულად ანაზღაურებს ზარალს, რაც წელიწადში საშუალოდ 1.5 მლნ ლარს შეადგენს. კომპანია მოსახლეობას მოუწოდებს კონსტრუქციულ რეჟიმში განაგრძოს დაწყებული მოლაპარაკება და სამუშაოები, რომელიც ეხება მათ მიერვე გაჟღერებული პრობლემების გადაწყვეტის გზების ძიებას", - წერია კომპანიის მიერ გავრცელებულ განცხადებაში.

ამავე თემაზე:

ჭიათურაში შუქრუთის მაღაროები პარალიზებულია

Print E-mail
FaceBook Twitter
მსგავსი სიახლეები
დღეს, გელათის მონასტერში კულტურული
მემკვიდროების სააგენტოს დირექტორი ნიკოლოზ ანთიძე, მუნიციპალური
განვითარების ფონდის ხემძღვანელთან გიორგი შენგელიასთან ერთად
იმყოფებოდა და ღვთისმშობლის სახელობის ტაძარი
დაათვალიერა.
15:14 / 25.09.2020
დღეს, გელათის მონასტერში კულტურული მემკვიდროების სააგენტოს დირექტორი ნიკოლოზ ანთიძე, მუნიციპალური განვითარების ფონდის ხემძღვანელთან გიორგი შენგელიასთან ერთად იმყოფებოდა და ღვთისმშობლის სახელობის ტაძარი დაათვალიერა.
13:33 / 25.09.2020
"ნაციონალური მოძრაობის"  ქუთაისის  მერობის კანდიდატის გიგა შუაშანიას განცხადებით, გელათის სამონასტრო კომპლექსი საფრთხეშია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.