ახალი ამბები
"თქვენ ასრულებთ ივანიშვილის დაკვეთას“ - საოლქო კომისიამ "ლეიბორისტების“ საჩივარი არ დააკმაყოფილა
FaceBook
"ლეიბორისტული პარტიის" საჩივარი ქუთაისის საოლქო საარჩევნო კომისიამ არ დააკმაყოფილა.
კომისიის თავმჯდომარის, ავთანდილ ოსეფაიშვილის თქმით, საჩივარს სამართლებრივი საფუძველი არ ჰქონდა.

"ალბათ, ნახეთ, რომ ხმაურით მიმდინარეობდა "ლეიბორისტული პარტიის" საჩივრის განხილვა, თუმცა, უსაფუძვლობის გამო მათი დაკმაყოფილება არ მოხდა",-განაცხადა ოსეფაიშვილმა.

კომისიის გადაწყვეტილებას "ლეიბორისტული პარტიის" წარმომადგენელთა მხრიდან პროტესტი მოჰყვა. სამსონ გუგავამ კომისიის წევრები ბიძინა ივანიშვილის პოლიტიკის გატარებაში დაადანაშაულა.

"თქვენ გინდათ, რომ არსად იყვნენ გუგავები, ეს არის ბიძინა ივანიშვილის დავალება და ამას ასრულებთ წარმატებით. ყოჩაღ, კომისიას, კიდევ ერთხელ დაამტკიცეთ ვისი ინტერესების გამტარებლებიც ხართ",-განაცხადა სამსონ გუგავამ სხდომაზე.

"ლეიბორისტული პარტია" N87-ე უბანზე პროპორციული სიის ორი ზედმეტი ბიულეტენის გაცემას აპროტესტებდა და უბნის შედეგების ბათილობას ითხოვდა.
ქუთაისის საოლქო საარჩევნო კომისიაში საჩივრების განხილვა გრძელდება.

კომისიამ 23 ოქტომბერს არასამთავრობო, სადამკვირვებლო ორგანიზაციებისა და პოლიტიკური პარტიების მიერ დაწერილი 20 საჩივრიდან უსაფუძვლობის გამო განუხილველად დატოვა ორი საჩივარი. დანარჩენი 18 საჩივარი კი კომისიამ დღეს უნდა განიხილოს.


Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.