ახალი ამბები
ფარიკაობაში საქართველოს თასის ღია გათამაშება დაიწყო
FaceBook
29 სექტემბრიდან 1 ოქტომბრის ჩათვლით თბილისში ფარიკაობაში საქართველოს თასი გათამაშდება. ტურნირი ფარიკაობის ფედერაციის დარბაზში ჩატარდება და მასში დედაქალაქის, რუსთავის, ზესტაფონის, ქუთაისის, აჭარის, ოზურგეთისა და აფხაზეთის საუკეთესო სპორტსმენები მიიღებენ მონაწილეობას.

ფედერაციის მოწვევით, საქართველოს თასის ღია გათამაშებაში სომეხი, აზერბაიჯანელი, თურქი და რუსი მოფარიკავეებიც იასპარეზებენ, საერთო ჯამში 100-ზე მეტი მუშკეტერი. დღეს და მომდევნო დღეებში საკვალიფიკაციო შეხვედრები 10 საათიდან დაიწყება, ფინალური ბლოკი კი 15 საათზე აიღებს სტარტს.

საქართველოს თასის ღია გათამაშების გახსნის საზეიმო ცერემონიას დღეს სპორტისა და ახალგაზრდობის საქმეთა მინისტრი ტარიელ ხეჩიკაშვილიც დაესწრო, რომელმაც თავის სიტყვაში ქართველი მოფარიკავეების წლევანდელ წარმატებებზე ისაუბრა, თბილისში გამართული ევროპის ჩემპიონატი გაიხსენა და იმედი გამოთქვა, რომ დადებითი ტენდენცია, რაც სპორტის ამ სახეობაში შეინიშნება, არ შეჩერდება.

29 სექტემბერს მოფარიკავეთა ბილიკებზე მოხმალავენი დადგებიან, 30 სექტემბერს რაპირისტები, 1 ოქტომბერს კი ვაჟები და გოგონები დაშნით იასპარეზებენ. ფედერაციის ოფიციალური ინფორმაციით, საქართველოს თასის ღია გათამაშებაში სანდრო და ბექა ბაზაძეები, მიხეილ მარდალეიშვილი და ლუკა ღაღანიძეც გამოვლენ.
Print E-mail
FaceBook Twitter
მსგავსი სიახლეები
სერგეი ლავროვთან დაგეგმილ
შეხვედრამდე ერთი დღით ადრე, აშშ-ის სახელმწიფო მდივანი, ენტონი
ბლინკენი, რუსეთის აგრესიულ პოლიტიკაზე ბერლინში
საუბრობს.
16:10 / 21.01.2022
სერგეი ლავროვთან დაგეგმილ შეხვედრამდე ერთი დღით ადრე, აშშ-ის სახელმწიფო მდივანი, ენტონი ბლინკენი, რუსეთის აგრესიულ პოლიტიკაზე ბერლინში საუბრობს.
ქუთაისში სკოლამდელი აღზრდის დაწესებულებები
 მუშაობას 24 იანვარს განაახლებენ.
13:25 / 21.01.2022
ქუთაისში სკოლამდელი აღზრდის დაწესებულებები  მუშაობას 24 იანვარს განაახლებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.