ახალი ამბები
შენობის გარეშე დარჩენილ 119 მოსწავლეს ტყიბულში კერძო ობიექტი უსასყიდლოდ დაუთმეს (ფოტო)
FaceBook
ტყიბულის მეორე საჯარო სკოლის მოსწავლეებს კერძო საკუთრებაში არსებულ ობიექტში უახლოეს მომავალში გადაიყვანენ. 
ამის შესახებ, "ქუთაისიპოსტს" ტყიბულის განათლების რესურსცენტრში განუცხადეს.

"შენობის მესაკუთრისგან მივიღეთ ოფიციალური დასტური, რომ ობიექტი მეორე საჯარო სკოლის მოსწავლეებს დაეთმობა უსასყიდლოდ," - ამბობს ტყიბულის საგანმანათლებლო რესურსცენტრის ხელმძღვანელი, ირინე კორძაია.

შენობა, რომელშიც მეორე საჯაროს სკოლის მოსწავლეები გადავლენ, თავის დროზე ისიც ყოფილი სკოლა გახლდათ. 


ტყიბულში, ყოფილი საჯარო სკოლის შენობა, რომელიც მეორე საჯარო სკოლის მოსწავლეებს უსასყიდლოდ გადაეცა

"მეპატრონეს მიერ გამოგზავნილი ოფიციალური წერილი, რომელშიც ის წერს, რომ თანახმაა სკოლის შენობა უსასყიდლოდ გამოიყენოს მეორე საჯარო სკოლის მოსწავლეებმა და პედაგოგებმა უკვე გადავაგზავნეთ განათლებისა და მეცნიერების სამინისტროში" - აცხადებს კორძაია.

მისივე ინფორმაციით, უწყებიდან დასტურის მიღებისთანავე, #2- ე საჯარო სკოლის 119 მოსწავლე ახალ შენობაში გადასვლისთანავე პირველი ცვლის სააგაკვეთოლო პროცესს დაუბრუნდება.

ტყიბულის მეორე სკოლაში ახალი სასწავლო წელი 15 სექტემბერს მშობლების პროტესტით დაიწყო. ისინი სკოლისთვის ალტერნატიული ფართის გამოყოფას და პირველ ცვლაში საგაკვეთილო პროცესის გაგრძელებას ითხოვდნენ.

სკოლას მეორე ცვლა მას შემდეგ დაემატა, რაც ექსპერიზის შედეგად გაირკვა, რომ მეორე საჯარო სკოლის შენობა ამორტიზებულია.  


ტყიბულის მეორე საჯარო სკოლის  ამორტიზებული შენობა


ამავე თემაზე:

ტყიბულის მეორე სკოლაში სასწავლო პროცესი მშობლების პროტესტით დაიწყო

ტყიბულის მეორე სკოლაში სასწავლო პროცესის გასაგრძელებლად ალტერნატიული ფართს ეძებენ

ტყიბულის მეორე საჯარო სკოლასთან მშობლების და მოსწავლეების საპროტესტო აქცია მიმდინარეობს
Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.