ახალი ამბები
"ყველას არ უნდა მოესმინა თქვენი რეკლამები" - ქუთაისის საკრებულოს უმრავლესობის წევრი დამოუკიდებელ დეპუტატს
FaceBook
„ყველას არ უნდა მოესმინა თქვენი რეკლამები,“ - ამ სიტყვებით მიმართა ქუთაისის საკრებულოს უმრავლესობის წევრმა დამოუკიდებელ დეპუტატს.

„ქართული ოცნების“ წარმომადგენლის, გალაქტიონ ტოროშელიძის ეს რეპლიკა ნატო ქათამაძის განცხადებას მოჰყვა, რომელიც მან 19 სექტემბრის საკრებულოს რიგგარეშე სხდომაზე გააჟღერა და ჯავახიშვილის ქუჩის I შესახვევის #24 კორპუსის მოსახლეობის პრობლემას შეეხებოდა.

ყოფილი "რესპუბლიკელის" და ამდროისთვის დამოუკიდებელი დეპუტატის თქმით, ადგილობრივები უკვე 4 თვეზე მეტია სადარბოზოს კეთილმოწყობას ითხოვენ. მათ განცხადებით, ქუთაისის მერიის შესაბამის სამსახურსაც მიმართეს, სადაც პრობლემის მოგვარებას მომავალი წლისთვის დაპირდნენ.

„მაშინ როდესაც არსებობს პროგრამა „კორპუსი“, რატომ ვერ მოხერხდა ამ დრომდე ამ სადარბაზოს კეთილმოწყობა. იქნებ, მოახერხოთ, რომ წლის ბოლომდე ამ ადამიანების მოთხოვნა დააკმაყოფილოთ,“ - განაცხადა ნატო ქათამაძემ.

მის ამ გამოსვლას უმრავლესობის წარმომადგენლის, გალაქტიონ ტოროშელიძის უკმაყოფილება და რეპლიკა მოჰყვა, რის შემდეგაც განაწყენებულმა დეპუტატმა სხდომათა დარბაზი დატოვა.

„აქ კი არ უნდა ამბობდეთ მაგას, შესულიყავით ქალაქის მერთან კაბინეტში და იქ გესაუბრათ მაგ საკითხზე. ყველას არ უნდა მოესმინა თქვენი რეკლამები,“ - განაცხადა ტოროშელიძემ.

ნატო ქათამაძის განცხადებას ქუთაისის მერმაც უპასუხა. შოთა მურთღულიას თქმით, კანონმდებლობა ადგილობრივ ბიუჯეტში წინასაარჩევნო პერიოდში რაიმე სახის ცვლილების განხორციელებას ზღუდავს.



Print E-mail
FaceBook Twitter



მსგავსი სიახლეები
მსჯავრდებულ ზ.ყ.- ს ოჯახი #15 სასჯელაღსრულების დაწესებულების
ადმინისტრაციას ზეწოლაში ადანაშაულებს.
18:30 / 25.01.2021
მსჯავრდებულ ზ.ყ.- ს ოჯახი #15 სასჯელაღსრულების დაწესებულების ადმინისტრაციას ზეწოლაში ადანაშაულებს.
საფეხბურთი კლუბის
15:42 / 25.01.2021
საფეხბურთი კლუბის "ტორპედოს" ქუთაისმა ბოლო სამი წლის განმავლობაში არსებული დავალიანება სრულად დაფარა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.