ახალი ამბები
პროტესტის ნიშნად ტყიბულის მეორე საჯარო სკოლის 119 მოსწავლიდან გაკვეთილებს 5 ბავშვი დაესწრო
FaceBook
ტყიბულის მეორე საჯარო სკოლაში პროტესტის გაგრძელებას აანონსებენ.

სწორედ პროტესტის ნიშნად, სკოლის 119 მოსწავლიდან საგაკვეთილო პროცესს დღეს მხოლოდ 5 ბავშვი დესწრო. მშობლების განმარტებით, ბავშვები გაკვეთილებს იქამდე არ დაესწრებიან, ვიდრე სასწავლო პროცესი დილის სმენაში არ დააბრუნებენ.

"მხოლოდ მესამე კლასის სამი მოსწავლე იყო გაკვეთილზე," - ამბობს მეორე სკოლის ერთ-ერთი მოსწავლის მშობელი მარეხი ბახუტაშვილი.

დღეს, 18 სექტემბერს, ტყიბულის მეორე საჯარო სკოლასთან მოსწავლეებმა და მშობლებმა საპროტესტო აქცია გამართეს.

ისინი სკოლისთვის ალტერნატიული ფართის გამოყოფას და პირველ ცვლაში საგაკვეთილო პროცესის გაგრძელებას ითხოვენ.

ტყიბულის მეორე სკოლაში ახალი სასწავლო წელი 15 სექტემბერს მშობლების პროტესტით დაიწყო და 15 სექტემბერს 100 მოსწავლე საკლასო ოთახებში არ შევიდა.

სკოლას მეორე ცვლა მას შემდეგ დაემატა, რაც ექსპერიზის შედეგად გაირკვა, რომ მეორე საჯარო სკოლის შენობა ამორტიზებულია და მოსწავლეების გადანაწილება პირველ საჯარო სკოლაში მოხდა, სადაც მოსწავლეებსა და მშობლებს ახალი სასწავლო წლის დაწყებამდე ერთი დღით ადრე გააგებინეს, რომ სწავლა დღის სამი საათიდან რვა საათამდე მოუწევდათ.

სკოლის დირექტორი, მეგი ქათამაძე მშობლების მოთხოვნებთან დაკავშირებით, აცხადებდა, რომ საგანმანათლებლო რესურსცენტრთან ერთად აწარმოებდა მოლაპარაკებებს ალტერნატიული ფართის მოძიებასა და სასწავლო პროცესის დილის სმენაში დასაბრუნებლად.

თუმცა, განმარტავს, რომ პრობლემა  ამ დრომდე  მოუგვარებელი რჩება.

"ვცდილობთ ყველანაირად რომ ვიპოვოთ ფართი, თუმცა ამ ეტაპზე ყველგან უარი მივიღეთ, საუბარია მოსწავლე ახალგაზრდობის შენობაზე და ასევე მე-6 სკოლაზე," - ამბობს სკოლის დირექტორი მეგი ქათამაძე.

ტყიბულის #2-ე საჯარო სკოლაში დღეის მონაცემებით სულ 119 მოსწავლე სწავლობს.


ამავე თემაზე:


ტყიბულის მეორე სკოლაში სასწავლო პროცესი მშობლების პროტესტით დაიწყო

ტყიბულის მეორე სკოლაში სასწავლო პროცესის გასაგრძელებლად ალტერნატიული ფართს ეძებენ

ტყიბულის მეორე საჯარო სკოლასთან მშობლების და მოსწავლეების საპროტესტო აქცია მიმდინარეობს




Print E-mail
FaceBook Twitter
მსგავსი სიახლეები
ქუთაისში, რესტორან ''პალადიუმთან''
ახალგაზრდა მამაკაცი დაჭრეს.
17:56 / 21.09.2020
ქუთაისში, რესტორან ''პალადიუმთან'' ახალგაზრდა მამაკაცი დაჭრეს.
ბოლო 24 საათში ქუთაისში კორონავირუსის 53 ახალი
შემთხვევა  დაფიქსირდა.
10:47 / 21.09.2020
ბოლო 24 საათში ქუთაისში კორონავირუსის 53 ახალი შემთხვევა  დაფიქსირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.