ახალი ამბები
ქუთაისის მერი სატრანსპორტო ხაზების კონკურსზე - დისკრედიტაციას ცდილობენ
FaceBook
"ესენი არიან ისინი ადამიანები, რომლებიც ამ სფეროში ვითარების "დამლაგებელს" ეძებდნენ"

ქუთაისის მერის, შოთა მურღულიას განმარტებით, საქალაქო სატრანსპორტო ხაზების კონკურსის ჩატარების დისკრედიტაციას ცდილობენ. მურღულიას განმარტებით აღნიშნულის მცდეობა კონკურსის დღეს რამდენიმე ადამიანს ექნება.
"კონკრეტული სახელების და გვარების დასახელებისგან თავს შევიკავებ. თუმცა, ესენი არიან ისინი ადამიანები, რომლებიც ამ სფეროში ვითარების "დამლაგებელს" ეძებდნენ. კონკურსი ღიად და გამჭვირვალედ ჩატარდება, ისე რომ შეუძლებელი იქნება რაიმე სახის მიკერძოებულობაზე საუბარი", - განაცხადა ბრიფინგზე შოთა მურღულიამ.
მერის განმარტებით, კონკურსზე გაიმარჯვებს ის, ვინც თანხას ბიუჯეტში შეიტანს და ასევე, მგზავრებს კარგად მოემსახურება.
ქუთაისის მერიის მიერ 18 საქალაქო სატრანსპორტო ხაზზე გამოცხადებული კონკურსი 29 მაისს დასრულდება. კონკურსის შედეგები იმ დღესვე გახდება ცნობილი. კონკურსის მიმდინარეობის ნახვა მონიტორზე იქნება შესაძლებელი.
აღნიშნულ კონკურსს მერიაში სპეციალურად შექმნილი 8 წევრიანი კომისია უხელმძღვანელებს. კომისიის თავმჯდომარე, ქალაქის მერი შოთა მურღულია გახლავთ. წევრები კი მერიის სხვადასხვა სამსახურის უფროსები და საკრებულოს წევრები არიან. მათ შორის არის ტრანსპორტის პროფკავშირების წარმომადგენელი ლავრენტი ალანია.
კონკურსში გამარჯვებულ მონაწილეებს მერიამ სატრანსპორტო ხაზებზე ნებართვები კონკურსის დასრულებიდან 14 დღის ვადაში უნდა გადასცეს.

თეკლე მორგოშია
Print E-mail
FaceBook Twitter



მსგავსი სიახლეები
12:51 / 18.09.2021
"არა ნაცებს, არა ბოროტებას, არა ღალატს" - ამ წარწერებით ბანერი ქუთაისშიც გამოჩნდა.
18 სექტემბრის მონაცემებით სულ ჩატარებულია 1 629 582 აცრა.
12:26 / 18.09.2021
18 სექტემბრის მონაცემებით სულ ჩატარებულია 1 629 582 აცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.