ახალი ამბები
ქუთაისის საოლქო საარჩევნო კომისიამ საარჩევნო უბნების დაკომპლექტება დაიწყო
FaceBook
ქუთაისის N 59-ე საოლქო საარჩევნო კომისიამ ქალაქის მასშტაბით საარჩევნო უბნების დაკომპლექტება დაიწყო.
საოქლოს მიერ მიმდინარე წლის 25 აგვისტოს გამოცხადებული კონკურსი, რომლის შედეგადაც საარჩევნო უბნებზე კომისიის წევრები უნდა შეირჩეს, 30 აგვისტოს დასრულდება.

საოლქო საარჩევნო კომისიის თავმჯდომარის, ავთანდილ ოსეფაიშვილის თქმით, კონკურსის პარალელურად, მიმდინარეობს საარჩევნო უბნების განთავსების ადგილების შერჩევა.

"გადავედით აქტიურ ფაზაში. მიმდინარეობს საკონკურსო დოკუმენტაციების მიღება, რათა დავაკომპლექტოთ საუბნო საარჩევნო კომისიების წევრები, რომლებსაც საოქლო კომისია ირჩევს კონკურსის საფუძველზე. ასევე, ვაზუსტებთ საუბნო საარჩენო კომისიების დისლოკაციების ადგილებს",- განაცხადა ავთანდილ ოსეფაიშვილმა ქუთაისიპოსტთან საუბარში.

ქუთაისის საოლქო საარჩევნო კომისიამ თითოეულ საუბნო საარჩევნო კომისიაში 13 წევრიდან 6 თავად უნდა შეარჩიოს, ხოლო დარჩენილ 7 წევრს პოლიტიკური პარტიები დანიშნავენ.

რაც შეეხება საოლქოს შემადგენლობას, ავთანდილ ოსეფაიშვილის თქმით, ის უკვე დაკომპლექტებულია და პირველი სხდომაც ჩატარდა.

ადგილობრივი თვითმმართველობის არჩევნები 2017 წლის 21 ოქტომბერს გაიმართება.

თვითმმართველი ქალაქები მერებს, ხოლო რაიონები გამგებლებს აირჩევენ.

თვითმმართველობის არჩევნებზე ასევე აირჩევენ ადგილობრივი წარმომადგენლობითი ორგანოს დეპუტატებს. ქუთაისში სულ 10 სამაჟორიტარო ოლქია, საკრებულოს 15 წევრი კი პროპორციული სისტემით დაინიშნება.
Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.