ახალი ამბები
თერჯოლაში 300 ოჯახი წყალს სახანძროს შენობიდან ეზიდება
FaceBook
თერჯოლის მუნიციპალიტეტში, ე.წ. ლილუაშვილების უბანში, წყალმომარაგების პრობლემა ბოლო 40 წლის მანძილზე არ გვარდება.
"სასმელ წყალს სახანძროს შენობიდან ვეზიდები დღემდე, ჩვენს უბანში წყლის სისტემის მოწესრიგება, ისევ აუსრულებელ ოცნებად რჩება,"- ამბობს ლილუაშვილების უბანში მცხოვრები ლალი ლილუაშვილი.
ლილუაშვილების უბანში არსებულ წყალმომარაგების პრობლემაზე, როგორც თერჯოლის მუნიციპალიტეტის გამგეობაში ამბობენ, ცნობილია.
თერჯოლის გამგებლის პირველი მოადგილეს თქმით, მიმდინარე წელს, წყალმომარაგების სისტემების რეაბილიტაციის პროცესი დაწყებულია.
"4 დღის წინ დაიწყო სამუშაოები, ყველა ოჯახში შეიცვლება წყლის სისტემა და მთელს მუნიციპალიტეტში გადაწყვეტილი იქნება წყალმომარაგების საკითხი,"- განმარტა თერჯოლის გამგებლის პირველმა მოადგილემ  თემურ ქოჩიაშვილმა.
თერჯოლაში წყალმომარაგების სისტემების მოსაწესრიგებლად, რეგიონული განვითარების ფონდის პროექტის ფარგლებში, 1 მილიონ 700 000 ლარი დაიხარჯება. წყალმომარაგების სარეაბილიტაციო სამუშაოებს აზერბაიჯანული ფირმა აწარმოებს.
წყალმომარაგების რეაბილიტაციის პროექტი თერჯოლის მუნიციპალიტეტში მსოფლიო ბანკის მიერ ფინანსდება.
ანა ჯანაშია, ეკა კუხალაშვილი
Print E-mail
FaceBook Twitter
მსგავსი სიახლეები
11:50 / 30.08.2025
"ევროკავშირი საქართველოს მთავრობას მოუწოდებს, დაუყოვნებლივ გააუქმოს დამოუკიდებელი სამოქალაქო საზოგადოების ორგანიზაციების საბანკო ანგარიშების დაყადაღების გადაწყვეტილება",-

ამის შესახებ განცხადებას საგარეო და უსაფრთხოების პოლიტიკის საკითხებში ევროკავშირის მთავარი პრესსპიკერი, ანიტა ჰიპერი ავრცელებს.

განცხადებაში ნათქვამია, რომ გადაწყვეტილება ფუნდამენტურ უფლებებზე მორიგი თავდასხმა და სასამართლო სისტემის, როგორც რეპრესიის ინსტრუმენტის, გამოყენებაა.

“ეს ფინანსური განზრახ გაგუდვის მეშვეობით პოლიტიკური დევნის აქტია, რომლის მიზანია, გააჩუმოს და დასაჯოს განსხვავებული აზრი.

სამოქალაქო საზოგადოების ორგანიზაციები არა სახელმწიფოს მტრები, არამედ დემოკრატიული პლურალიზმისა და ანგარიშვალდებულების ხერხემალია. წლების მანძილზე საქართველოს ენერგიული სამოქალაქო საზოგადოება ქვეყნის ევროპული ინტეგრაციის მამოძრავებელი ძალა იყო, რომელსაც ხელშესახები სარგებელი მოჰქონდა თავისი მოქალაქეებისთვის. ამ ორგანიზაციების მიზანში ამოღება ფუნდამენტურ დემოკრატიულ ღირებულებებს ეწინააღმდეგება და ძირს უთხრის საბაზისო პრინციპებს, რომლებსაც კანდიდატი ქვეყნისგან მოელიან.

ევროკავშირი მყარად უდგას გვერდში საქართველოს გამძლე და მამაც სამოქალაქო საზოგადოებას, რომელიც მთავრობის მხრიდან მზარდი რეპრესიების მიუხედავად აგრძელებს მოქალაქეებისთვის მსახურებას”, - განაცხადა ჰიპერმა.

თბილისის საქალაქო სასამართლომ დააკმაყოფილა პროკურატურის შუამდგომლობა და 7 არასამთავრობო ორგანიზაციის საბანკო ანგარიშებს ყადაღა დაედო.

სასამართლოს გადაწყვეტილებით, დაყადაღებულია: „სამოქალაქო საზოგადოების ფონდი“-ს , „სამართლიანი არჩევნებისა და დემოკრატიის საერთაშორისო საზოგადოებ“-ის , „ინფორმაციის თავისუფლების განვითარების ინსტიტუტი“-ს, „დემოკრატიის მცველები“-ს , „საქართველოს დემოკრატიული ინიციატივა“-ს , „საფარი“-ს და „სოციალური სამართლიანობის ცენტრი“-ს საბანკო ანგარიშები.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.