ახალი ამბები
უსაფრთხოების დამრღვევი კომპანიები, შესაძლოა, 50 ათასი ლარით დაჯარიმდნენ
FaceBook
საქართველოში შრომის უსაფრთხოების დარღვევის შემთხვევაში შესაძლოა ჯარიმა 50 ათას ლარამადე გაიზარდოს. 
"სანქციის ზღვარის გაზრდის საკითხზე შრომის უსაფრთხოების" კანონთან დაკავშირებით შექმნილმა სამუშაო ჯგუფმა იმსჯელა.

ჯგუფის ხელმძღვანელმა, პარლამენტის წევრმა დიმიტრი ცქიტიშვილმა
"ქუთაისიპოსტთან" საუბარში განმარტა, რომ სანქცია უნდა იყოს რეალური და მისი გადახდა არ იყოს მარტივი არაკეთილსინდისიერი დამსაქმებლისთვის.

"სანქცია საბოლოოდ რამდენი იქნება ჯერ არ ვიცით მაგრამ მნიშვნელოვნად რომ გაიზრდება ამაზე შევთანხმდით სამუშაო შეხვედრაზე. საბოლოო გადაწყვეტილებას მაინც პარლამენტი მიიღებს",  - ამბობს ცქიტიშვილი.

დღეს არსებული კანონპროექტით, რომელზეც ჯანდაცვის სამინისტრომ შეიმუშავა, 50-დან 5000 ლარამდე სანქციებს ითვალისწინებს.  მაქსიმალური კი,  5000 ლარიანი ჯარიმაა.

ჯანდაცვის სამინისტროს მიერ მომზადებული ახალი კანონპროექტით, 2019 წლის 1 იანვრიდან შრომის ინსპექციას მძიმე, მავნე და საშიშპირობებიან სამუშაოებზე წინასწარი გაფრთხილების გარეშე შესვლის უფლება უნდა მიენიჭოს.

შეხვედრაზე, სადაც შრომის უსაფრთხოების დარღვევის ფაქტებზე, ადმინისტრაციული სახდელების ზომების და ჯარიმების განსაზღვრის საკითხებზე იმსჯელეს, მომდევნო სამუშაო შეხვედრა საშემოდგომო სესიის დაწყებამდე დაგეგმეს. სადაც ძირითადი საკითხი  სანქციების და ჯარიმების პოზიციების შეჯერება იქნება.

საქართველოში საწარმოო ტრამვებით ბოლო ერთი თვის მანძილზე 5 ადამიანი დაიღუპა.

საქართველოს ჯანდაცვის სამინისტროს წარმომადგენლები და უფლებადამცველები ამ ვფაქტებს შრომის უსაფრთხოების ნორმების დაუცველობას უკავშირებენ.


Print E-mail
FaceBook Twitter
მსგავსი სიახლეები
მიხეილ სააკაშვილისთვის სასჯელის გადავადების ან სასჯელისგან
გათავისუფლების საკითხზე სასამართლო გადაწყვეტილებას სავარაუდოდ,
ორშაბათს, 6 თებერვალს გამოაცხადებს.
13:35 / 04.02.2023
მიხეილ სააკაშვილისთვის სასჯელის გადავადების ან სასჯელისგან გათავისუფლების საკითხზე სასამართლო გადაწყვეტილებას სავარაუდოდ, ორშაბათს, 6 თებერვალს გამოაცხადებს.
ქუთაისის საკრებულოს ფრაქცია
13:10 / 04.02.2023
ქუთაისის საკრებულოს ფრაქცია "ერთიანი ნაციონალური მოძრაობის“ წარმომადგენლები ბოიკოტის რეჟიმში რჩებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.