ახალი ამბები
"ნაციონალები" - ქუთაისის მერიის დაცვის თანამშრომელი ჩინოვნიკების პრეტენზიებს შეეწირა
FaceBook
ქუთაისის მერიის დაცვის თანამშრომლის, იმედა კირკიტაძის მერიიდან გათავისუფლებას "ნაციონალური მოძრაობის" ქუთაისის ორგანიზაციის წარმომადგენლები გამოეხმაურნენ. საკრებულოს ნაციონალი დეპუტატის, ამირან ძოწენიძის განმარტებით, იმედა კირკიტაძე საკრებულოს უმრავლესობის დეპუტატთან მომხდარ ინციდენტს შეეწირა.
"სრულიად უსამართლოდ და მხოლოდ იმის გამო, რომ ის თავის სამსახურებრივ მოვალოებას ასრულებდა, ჩამოაქვეითეს. მოვუწოდებ დაცვის პოლიციას რომ კირკიტაზე იმ თანამდებობაზე აღადგინონ, სადაც მუშაობდა. თუკი მერიაში არ დააბრუნებენ, მაღლი ანაზღაურების მქონე სამსახურში მაინც გადაიყვანონ", - განაცხადა დღეს გამართულ ბრიფინგზე ამირან ძოწენიძემ. მისი თქმით, ამ დრომდე სიტუაციის ჩაწყნარებას ელოდნენ, რომ მის გათავისუფლებას კიდევ ხმაური არ გამოეწვია. 
"ნაციონალურ მოძრაობაში" განმარტავენ, რომ იმედა კირკიტაძე მერიიდან, საკრებულოს თავმჯდომარისა და მერიის ჩინოვნიკების გამუდმებული პრეტენიზების გამო გაათავისუფლეს.
იმედა კირკიტაძესა და საკრებულოს უმრავლესობის დეპუტას, კახაბერ დვალიშვილს შორის დაპირისპირება მიმდინარე წლის 22 იანვარს მოხდა. დეპუტატის გაბრაზება დაცვის პოლიციის წარმომადგენლის თხოვნამ გამოიწვია, დვალისშვილს ავტომანქანა სხვა ადგილას დეყენებინა. თვითმხილველების თქმით, დეპუტატმა მერიის დაცვის პოლიციის წარმომადგენელს "პაგონები" ჩამოგლიჯა.
დაპირისპირებიდან 3 თვის შემდეგ, მიმდინარე წლის 1 აპრილიდან იუსტიციის სახლში დაცვის პოლიციის ოფიცრად გადაიყვანეს.
რა გახდა დაცვის თანამშრომლის მერიიდან გათავისუფლების მიზეზი ამ დროისთვის უცნობია. შინაგან საქმეთა სამინისტროს პრესსამსახური აცხადებს, რომ აღნიშნული საკითხი დაცვის პოლიციის სამსახურს ეკუთვნის. სამსახურის წარმომადგენელს ტელეფონი ამ დრომდე გათიშული აქვს.
თეკლე მორგოშია
Print E-mail
FaceBook Twitter



მსგავსი სიახლეები
12:51 / 18.09.2021
"არა ნაცებს, არა ბოროტებას, არა ღალატს" - ამ წარწერებით ბანერი ქუთაისშიც გამოჩნდა.
18 სექტემბრის მონაცემებით სულ ჩატარებულია 1 629 582 აცრა.
12:26 / 18.09.2021
18 სექტემბრის მონაცემებით სულ ჩატარებულია 1 629 582 აცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.