ახალი ამბები
ქუთაისში გულმკერდის არეში დაჭრილი 9 წლის მოზარდის სიცოცხლეს საფრთხე არ ემუქრება
FaceBook
ქუთაისში 10 წლის მცირეწლოვანმა 9 წლის მოზარდი პნევმატური იარაღით გულმკერდის არეში დაჭრა. შემთხვევა 1 ივლისის მოხდა.
დაზარალებულის მშობლები "ქუთაისიპოსტთან" საუბარში ამბობენ, რომ ფაქტი შემთხვევით მოხდა, როდესაც ისინი ნათესავის ოჯახში სტუმრად იმყოფებოდნენ.

"უფროსები სახლში ვიყავით, პატარები კი გარეთ. ბავშვები ოჯახის უფროსის კუთვნილი პნევმატური იარაღით ერთობოდნენ თურმე და ამ ნათესავის ბავშვმა შემთხვევით ჩემი შვილი დაჭრა," - ამბობს დაზარალებული მცირეწლოვანის ოჯახის წევრი.

არასრულწლოვნებზე პნევმატური იარაღის ხელმისაწვდომობის ფაქტს, დაზარალებულის მშობელი დაუდევრობას უკავშირებს.

"ეზოში ყავთ ქათმები და ამ თოფით ოჯახის უფროსი კატებს აფრთხობდა თურმე. იგივეს გამეორება სცადა ბავშვმა, უნდოდა კატები დაეშინებია. ამ დროს კი ჩემმა შვილმა გაირბინა და ტყვია მოხვდა. რა თქმა უნდა, ეს არ იყო განზრახ გამიზნული ქმედება, მაგრამ ის რომ იარაღი ეზოში იყო დადებული დაუდევრობის ბრალია," - ამბობს დაზარალებული მცირეწლოვნის მშობელი.

მისი ინფორმაციით, პნევმატური იარაღით დაჭრილი მოზარდი შოკურ მდგომარეობაში ინტერვენციულ საავადმყოფოში გადაიყვანეს.

მოზარდს კარდიოქირურგიული ოპერაცია ჩაუტარდა, რადგან პაციენტს გულის და მარჯვენა ფილტვის ქსოვილების სისხლმდენი დაზიანებები აღმოაჩნდა. დარღვეული იყო გულის მკვებავი სისხლძარღვის მთლიანობა.

4 საათიანი კარდიოქირურგიული ჩარევის შედეგად პერიკარდიუმის ღრუდან მედიკოსებმა 0,8 სმ ზომის ტყვია ამოიღეს.

მედიკოსების ცნობით, პაციენტი გადაყვანილია კარდიოქირურგიულ, ინტენსიურ განყოფილებაში და მის სიცოცხლეს საფრთხე აღარ ემუქრება.

საქართველოს შინაგან საქმეთა სამინისტროს ინფორმაციით, ფაქტზე გამოძიება 118-ე მუხლით მიმდინარეობს, რაც ჯანმრთელობის განზრახ, ნაკლებად მძიმე დაზიანებას გულისხმობს.

კოდექსის თანახმად, ჯანმრთელობისთვის ზიანის მიყენება ისჯება გამასწორებელი სამუშაო ვადით თვრამეტ თვემდე, ან სამ წლამდე თავისუფლების შეზღუდვით.








Print E-mail
FaceBook Twitter
მსგავსი სიახლეები

დედამიწის შემსწავლელ მეცნიერებათა ინსტიტუტის
სეისმური მონიტორინგის ცენტრის ინფორმაციით,
09:52 / 01.04.2020

დედამიწის შემსწავლელ მეცნიერებათა ინსტიტუტის სეისმური მონიტორინგის ცენტრის ინფორმაციით,

დასავლეთ საქართველოსა და მათ შორის
იმერეთის რეგიონში 30-31 მარტის ჩათვლით წვიმაა ნავარუდევი.
10:24 / 30.03.2020
დასავლეთ საქართველოსა და მათ შორის იმერეთის რეგიონში 30-31 მარტის ჩათვლით წვიმაა ნავარუდევი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.