ახალი ამბები
IDFI - უსაფრთოების ღვედის გამოუყენებლობისთვის 4 წელიწადში საქართველოში 321 651 პირი დაჯარიმდა
FaceBook
უსაფრთოების ღვედის გამოუყენებლობისთვის 2013-2016 წლებში საქართველოში 321 651 პირი დაჯარიმდა.

ამ ინფორმაციას „ინფორმაციის თავისუფლების განვითარების ინსტიტუტი“ IDFI ავრცელებს.

ორგანიზაციამ საგზაო მოძრაობის წესებთან დაკავშირებულ საკანონმდებლო ცვლილებებზე, რომელიც ძალაში მიმდინარე წლის 1 ივლისიდან შევა, კვლევა მოამზადა. მისი მიზანი, 2013-2016 წლების ოფიციალურ სტატისტიკურ მონაცემებზე დაყრდნობით, შინაგან საქმეთა სამინისტროს მიერ საგზაო მოძრაობის წესრიგისა და უსაფრთხოების პრევენციის მიზნით, არსებული საჯარიმო პოლიტიკისა და პრაქტიკის შესწავლაა.

კვლევის თანახმად, 2013 წლის შემდეგ უსაფრთოების ღვედის გამოუყენებლობისთვის დაჯარიმებულთა რაოდენობა ყოველწლიურად მნიშვნელოვნად იკლებს.

იხილეთ ინფოგრაფიკა:


„ინფორმაციის თავისუფლების განვითარების ინსტიტუტში“ მიიჩნევენ, რომ 2013 წლის შემდეგ, ამ სამართალდარღვევისთვის დაჯარიმებულთა რაოდენობის ყოველწლიური კლება, შესაძლებელია, უსაფრთხოების ღვედის გამოყენების მნიშვნელობაზე მოქალაქეთა ცნობიერების ამაღლებით იყოს განპირობებული.

„თუმცა, 3 წლიან პერიოდში დაჯარიმებულთა რაოდენობის განახევრება აჩენს ეჭვებს, რომ საპატრულო პოლიციის მხრიდან კონტროლი შესუსტებულია,“ - ამბობენ ორგანიზაციაში.

IDFI-ის მიერ მომზადებულ კვლევაში ბოლო 4 წლის განმავლობაში საგზაო მოძრაობის წესების დარღვევისთვის გათვალისწინებული სანქციების გამკაცრების თუ შერბილების შედეგად დამდგარი ეფექტის ანალიზია წარმოდგენილი.

ორგანიზაციაში მიაჩნიათ, რომ კვლევა 2017 წელს, შინაგან საქმეთა სამინისტროს მიერ საგზაო მოძრაობის უსაფრთხოების რეფორმის ფარგლებში დაგეგმილი მნიშვნელოვანი ცვლილებების ფონზე (მართვის მოწმობის ქულათა სისტემა, უკონტაქტო პატრულირება,სიჩქარის მოძრავი დეტექტორები და სხვა), მოსალოდნელი შედეგების შეფასებაში დაეხმარებათ.

საქართველოში მძღოლის და მის გვერდით მჯდომი მგზავრის მიერ უსაფრთხოების ღვედის გამოყენება სავალდებულო 2010 წლის შემდეგ გახდა. მისი არ შესრულებისთვის ჯარიმა 40 ლარია.


Print E-mail
FaceBook Twitter
მსგავსი სიახლეები
ზესტაფონში, ''ჯეოჰოსპიტალის''
კლინიკის ბაზაზე, სამედიცინო პერსონალი უფასო კვლევებს
ჩაატრებს.
14:04 / 10.07.2020

ზესტაფონში, ''ჯეოჰოსპიტალის'' კლინიკის ბაზაზე, სამედიცინო პერსონალი უფასო კვლევებს ჩაატრებს.

სამტრედიაში, მდინარე რიონში მაშველები 72 წლის
მამაკაცს ეძებენ.
12:08 / 10.07.2020
სამტრედიაში, მდინარე რიონში მაშველები 72 წლის მამაკაცს ეძებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.