ახალი ამბები
ქუთაისში შშმ პირებისა და ტაქსებისთვის პარკირების ადგილები, შესაძლოა, ფერადად დაიხაზოს
FaceBook
ქუთაისში შშმ პირებისა და ტაქსებისთვის განკუთვნილი ადგილები, შესაძლოა, სხვადასხვა ფერში დაიხაზოს.
გადაწყვეტილება ამის შესახებ შპს "პარკინგსერვისმა" მიიღო.

ორგანიზაციაში ამბობენ, რომ კონკრეტული დანიშნულების მქონე ადგილებს, იმის გამო, რომ ისინი ვიზუალურად მკვეთრად გამორჩეული არ არის, ის მძღოლები იყენებენ, ვისთვისაც ეს ადგილები არ არის განკუთვნილი.

"დანარჩენი ადგილებისგან შშმ პირებისთვის განკუთვნილი ადგილი მხოლოდ ლოგოთი განსხვავდება, რომელიც ისეთივე ფერისაა, როგორც პარკირების ხაზი. როცა იქ ავტომობილი დგება, ვერც მიხვდები არის თუ არა შშმ პირის ადგილი. ამიტომ, ვფიქრობთ, კარგი იქნება, თუ განსხვავებული ფერით დავხაზავთ შშმ პირების და ასევე, ტაქსების ადგილებს და არა მხოლოდ ლოგოს, არამედ მთლიანად შევღებავთ იმ კონკრეტულ ადგილს. ეს ერთგვარი ფსიქოლოგიური მომენტიც იქნება. როცა ხედავ, რომ მარტო შენ დგახარ პირობითად, ლურჯ ან ყვითლად შეღებილ ადგილზე, მეორედ ამას აღარა გააკეთებ", – ამბობს "პარკინგსერვისის" დირექტორი, ირაკლი სარიშვილი.

"პარკინგსერვისში" უკვე არჩევენ შშმ პირებისა და ტაქსების საპარკინგე ადგილების შესაღებ ფერებს. სავარაუდოდ, შშმ პირების ადგილი ლურჯად შეიღებება, ხოლო ტაქსებისთვის განკუთვნილი სადგომები ყვითლად.

ქუთაისში სულ 274 ლოკაცია, სადაც ავტომობილის დაპარკინგებაა შესაძლებელი. ჯამში კი, ქალაქის მასშტაბით პარკირების ადგილი 3500–მდე ავტომობილისთვისაა დახაზული.

Print E-mail
FaceBook Twitter
მსგავსი სიახლეები
ოკუპანტი ქვეყნის სამხედროებმა
უკრაინაში კუნძული ზმეინი დატოვეს.
13:02 / 01.07.2022
ოკუპანტი ქვეყნის სამხედროებმა უკრაინაში კუნძული ზმეინი დატოვეს.
საერთაშორისო უფლებადამცველმა
ორგანიზაცია Amnesty International -მა, ოკუპანტი ქვეყნის
სამხედროების მიერ მარიუპოლის თეატრის დაბომბვა ომის დანაშაულად
აღიარა.
12:07 / 01.07.2022
საერთაშორისო უფლებადამცველმა ორგანიზაცია Amnesty International -მა, ოკუპანტი ქვეყნის სამხედროების მიერ მარიუპოლის თეატრის დაბომბვა ომის დანაშაულად აღიარა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.