ახალი ამბები
ქუთაისიპოსტზე მასალის გამოქვეყნების შემდეგ სამედიცინო ნარჩენების დაყრისთვის კომპანია დაჯარიმდა
FaceBook
სამტრედიაში სამედიცინო ნარჩენების მიტოვებულ შენობაში შეგროვების ფაქტზე "ქუთაისიპოსტის" მიერ გამოქვეყნებული მასალის შემდეგ, კომპანია "ეკომედიქალ ჯგუფი" დაჯარიმეს. გარემოს დაცვის სამინიტროს ზედამხედველობის დეპარტანეტმა კომპნიას 1 000 ლარიანი ჯარიმა გამოუწერა.

საქართველოს გარემოსდაცვითი ზედამხედველობის დეპარტამენტს მიტოვებულ შენობაში სამედიცინო ნარჩენების განთავსების შესახებ ინფორმაცია "ქუთაისიპოსტმა" 6 ივნისს მიაწოდა.

დეპარტამენტში "ქუთაისიპოსტს" განუცხადეს, რომ სამტრედიაში დაფიქსირებულ ფაქტზე შესწავლას დაიწყებენ და მათ მიერ მიღებული გადაწყვეტილება ცნობილი 7 ივნისს გახდებოდა.

თუმცა, როგორც მოგვიანებით განმარტეს, ერთდღიანი მოკვლევა არ გახდა საკმარისი.

გარემოსდაცვითი ზედამხედველობის დეპატრტამენტის დასავლეთის რეგიონული სამმართველოს წარმოომადგენლობამ ფაქტის შესწავლა რამდენიმე დღის წინ დაასრულა და კომპანიას დამნაშავედ ცნო.

"ნარჩენების მართვის კოდექსის 36 - ე მუხლის მეორე ნაწილით დარღვეულია კანონი, რომელიც კრძალავს ტერიტორიის სახიფათო ნარჩენებით დაბინძურებას. ამ კანონის გაუთვალისწინებლობის გამო, კომპანია "ეკომედიქალ ჯგუფს" 1000 ლარის ოდენობით ჯარიმა დაეკისრება," - განგვიმარტა გარემოსდაცვითი ზედამხედველობის დეპატრტამენტის დასავლეთის რეგიონული სამმართველოს გარემოსდაცვითი ინსპექტირების განყოფილების უფროსმა, თინათინ ჩაკვეტაძემ.

სამტრედიაში სამედიცინო ნარჩენების გატანას ორი კომპანია "ეკომედიქალ ჯგუფი" და "ეკომედი" უზრუნველყოფს. "ეკომედიქალ ჯგუფის" ხელმძღვანელი ელგუჯა კიკაჩეიშვილი ჩვენთან საუბარში ორი კვირის ირწმუნებოდა, რომ კომპანიის წარმომადგენლებს სამედიცინო ნარჩენები საავადმყოფოებიდან წესების დაცვით, ყოველდღირად, ხოლო თვეში ერთხელ თბილისში გაჰქონდათ. თუმცა, თბილისში წაღებამდე სად გადაქონდათ ეს ნარჩენები ამას არ აკონკრეტებდა.

ჩვენთან საუბარში მხოლოდ ის განმარტა, რომ კომპანია 8 თვის წინ დაფუძნდა და ჯერ ოფისი არ გააჩნიათ. თუმცა, ნარჩენების გადაზიდვისთვის საჭირო ტექნიკა ჰყავთ და სამედიცინო ნარჩენების გატანას წესების დაცვით ახორციელებენ.

ქუთაისიპოსტი დაჯარიმების შემდეგაც შეეცადა დაკავშირებოდა "ეკომედიქალ ჯგუფის" ხელმძღვანელს. თუმცა, ელგუჯა კიკაჩეიშვილმა ჩვენს სატელეფონოს ზარს არ უპასუხა.

რაც შეეხება, ჯარიმას, გარემოსდაცვითი ზედამხედველობის დეპარტამენტში განგვიმარტეს, რომ კომპანიის მიმართ ამოწერილი ადმინისტრაციული სამართალდარვევის ოქმი განსახილველად სამტრედიის რაიონულ სასამართლოს უკვე გადაეგზავნა, რომელიც მიმდინარე კვირაში განიხილავს. სასამართლო კომპანიისთვის ჯარიმის დაკისრების საკითხს გადაწყვეტს.

ამავე თემაზე :

სამტრედიაში სამედიცინო ნარჩენებს მიტოვებულ შენობაში ყრიან - საქმეზე მოკვლევა დაიწყო

Print E-mail
FaceBook Twitter
მსგავსი სიახლეები
10:57 / 30.05.2024
"რუსული კანონით არ ვიცხოვრებთ!" - ამ დევიზით, 2 ივნისს, ქუთაისში, აქცია-კონცერტი გაიმართება.
ქუთაისში, ნიკეას ქუჩაზე (№20-ში), თანამედროვე სტანდარტების
საკალათბურთო დარბაზის მშენებლობა იგეგმება.
16:48 / 29.05.2024
ქუთაისში, ნიკეას ქუჩაზე (№20-ში), თანამედროვე სტანდარტების საკალათბურთო დარბაზის მშენებლობა იგეგმება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.