ახალი ამბები
კომპანია, რომელმაც "ტორპედო" შეიძინა, კლუბის პრეზიდენტის მამის საკუთრებაშია
FaceBook
"ტორპედოს" ახალი მფლობელი, კლუბის პრეზიდენტის, ზაალ ჩაჩავას მამის,  მალხაზ ჩაჩავას კომპანიაა. საჯარო რეესტრის მონაცემებით, მალხაზ ჩაჩავა შპს "ინტერნეიშენალ სოქერ ჰაუსის" 100% იანი წილის მფლობელია 2017 წლის 11 მაისიდან. 

კომპანია მანამდე მის შვილს, "ტორპედოს" მოქმედ პრეზიდენტს, ზაალ ჩაჩავას ეკუთვნოდა, რომელმაც ის 2016 წლის 31 მაისს დააფუძნა.

აღსანიშნავია, რომ კლუბის პრეზიდენტი 25  კომპანიის მეწილეა, მათ შორის, "აჭარა ბეთის" 27%-იანი წილის მფლობელი, ხოლო მამამისი, მალხაზ ჩაჩავა, ქუთაისში ხის გადამამუშავებელი საწარმოს დირექტორი გახლავთ.

"ტორპედო" აუქციონზე "ინტერნეიშენალ სოქერ ჰაუსმა" 16 ივნისს, 300 000 ლარად შეიძინა.
ის ერთადერთი იყო, რომელმაც კლუბის შეძენის სურვილი ორი დღის წინ დააფიქსირა.

კლუბის საწყისი ფასი 295 000 ლარი იყო. ქუთაისის მერიამ "ტორპედო" აუქციონზე მეორედ გამოიტანა. პირველ შემთხვევაში გასაყიდი ფასი 585 413 ლარი იყო, თუმცა მისი შეძენის სურვილი არავინ გამოთქვა.

აუქციონის პირობების მიხედვით,  ინვესტორმა კლუბში ყოველწლიურად მინიმუმ 500 000 ლარის ინვესტიცია უნდა განახორციელოს. "ფეხბურთის განვითარების ფონდის" ფუნქციონირების შემთხვევაში კი, რომელიც 2016 წლიდან არსებობს, კლუბში მინიმუმ 1 500 000 ლარი უნდა ჩაიდოს.

იმ შემთხვევაში, თუ ფონდი შეწყვეტს "ტორპედოს" დაფინანსებას, ინვესტორმა კლუბის 1 500 000 ლარიანი ინვესტირების ვალდებულება მთლიანად საკუთარ თავზე უნდა აიღოს, იქნება ეს პირდაპირი ინვესტიცია თუ სპონსორი, რომელიც ასევე თავად უნდა მოიზიდოს.

ამასთანავე, მიუხედავად იმისა, რომ 2017 წლის უკვე ნახევარი გასულია, ინვესტორი ვალდებულია 2018 წლის 1 იანვრამდე, ასევე პირდაპირი ინვესტირების გზით, კლუბი სრული კალენდარული წლის ვალდებულებით, 500 000 ლარით დააფინანსოს.

შემსყიდველი ასევე ვალდებულია უზრუნველყოს საფეხბურთო სკოლა–აკადემიის და ბავშვთა გუნდების ფუნქციონირება წელიწადში 100–200 ბავშვზე.

ინვესტორმა, ფონდის მონაწილეობით ასევე უნდა დააფინანსოს კლუბის თანამშრომლებისა და ფეხბურთელების შრომის ანაზღაურება, ფეხბურთელების შეძენის, საფეხბურთო კლუბის ბაზაზე სკოლა-აკადემიის და ბავშვთა ფეხბურთის განვითარების ხარჯები.

ქუთაისის მერიამ კლუბი 100%-იანი წილით გაყიდა, გარდა საწესდებო კაპიტალისა და აკ. ხორავას ქუჩა N1-ში არსებული ნაკვეთისა.

ადგილობრივი თვითმმართველობა ქუთაისის "ტორპედოს" აუქციონზე გატანას მას შემდეგ გეგმავდა, რაც მის ახალ ინვესტორთან, ზაალ ჩაჩავასთან შეთანხმება ვერ შედგა და მან კლუბი დატოვა.

ჩაჩავა კლუბის პრეზიდენტად ერთი წლის წინ, 2016 წლის 10 ივნისს დაინიშნა. როგორც ინვესტორმა, მან კლუბი 2016 წლის 14 დეკემბერს დატოვა, თუმცა დღემდე პრეზიდენტად რჩება. 


ამავე თემაზე:

ქუთაისის "ტორპედო" 300 000 ლარად გაიყიდა


Print E-mail
FaceBook Twitter
მსგავსი სიახლეები
საქართველოს რეგიონული განვითრებისა
და ინფრასტრუქტურის სამინისტროს, საავტომობილო გზების დეპარტამენტის
ინფორმაციით, დიდთოვლობის გამო, ყუმი-ღვედის მონაკვეთზე მისაბმელიანი
ავტოტრანსპორტის მოძრაობა აკრძალულია.
14:24 / 23.01.2020
საქართველოს რეგიონული განვითრებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, დიდთოვლობის გამო, ყუმი-ღვედის მონაკვეთზე მისაბმელიანი ავტოტრანსპორტის მოძრაობა აკრძალულია.
ქუთაისში, ავანგარდის დასახლებაში,
მეტალურგიულ ქარხანის 200- მდე  მუშა ოთხი დღეა გაფიცულები
არიან.
12:01 / 23.01.2020
ქუთაისში, ავანგარდის დასახლებაში, მეტალურგიულ ქარხანის 200- მდე  მუშა ოთხი დღეა გაფიცულები არიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.