ახალი ამბები
განათლების სამინისტრომ სამტრედიის საჯარო სკოლის დირექტორი გაათავისუფლა
FaceBook
განათლების სამინისტრომ სამტრედიის #4 საჯარო სკოლის დირექტორი ნუგზარ კუცია დაკავებული პოსტიდან გაათავისუფლა.
"რის საფუძველზე მოხდა დირექტორის გათავისუფლება, ამის შესახებ ინფორმაციას სკოლაში მოსვლის შემდეგ გეტყვით. ამ ეტაპზე სხვა არაფრის თქმა არ შემიძლია", - განმარტა ქუთაისიპოსტთან  სატელეფონო საუბრისას სამტრედიის #4 საჯარო სკოლის დირექტორის მოვალეობის შემსრულებელმა ირმა ზარნაძემ. 

განათლების სამინისტრომ სატრედიის საჯარო სკოლის დირექტორთან ერთად კიდევ რამდენიმე საჯარო სკოლის დირექტორი გაათავისუფლა.   

"საქართველოს განათლებისა და მეცნიერების სამინისტროს მონიტორინგის სამსახურისა და შიდა აუდიტის დეპარტამენტის შემოწმების შედეგად, რიგ სკოლებში სხვა დარღვევებთან ერთად, გამოვლინდა სველ წერტილებთან, კერძოდ, საპირფარეშოს ჰიგიენის პრობლემები. შედეგად, გათავისუფლდა: თბილისის 151-ე, 23-ე და სამტრედიის მეოთხე სკოლის დირექტორები. საპირფარეშოების ჰიგიენასთან დაკავშირებით გაფრთხილება მიეცა მარნეულის მე-3, მარნეულის სოფელ ჯანდარის და ყაზბეგის სოფელ არშის სკოლებს. მითითება მიეცა მარნეულის სოფელ წერეთლის სკოლას", - ნათქვამია სამინიტროს მიერ გავრცელებულ განცხადებაში. 

კონკრეტულად რა დარღვევაზეა საუბარი ან რამდენად იზიარებს სამტრედიის საჯარო სკოლის ყოფილი დირექტორი გათავისუფლების ბრძანებას, - ამ  და სხვა საკითხებზე ქუთაისიპოსტი მუშაობას აგრძელებს, რომელსაც მოგვიანებით შემოგთავაზებთ.
Print E-mail
FaceBook Twitter
მსგავსი სიახლეები
„მინისტრს აქვს კანონით მინიჭებული დისკრეცია,  თავად დანიშნოს
შეხედულებისამებრ სამხატვრო ხელმძღვანელი
15:30 / 03.12.2021
„მინისტრს აქვს კანონით მინიჭებული დისკრეცია,  თავად დანიშნოს შეხედულებისამებრ სამხატვრო ხელმძღვანელი ", – განაცხადა წულუკიანმა დღეს, 3 დეკემბერს, პარლამენტში მოსმენისას.
ქუთაისის მეშვიდე მოწვევის საკრებულოს საკრებულოს
თავმჯდომარედ ირაკლი შენგელია აირჩიეს.
15:20 / 03.12.2021
ქუთაისის მეშვიდე მოწვევის საკრებულოს საკრებულოს თავმჯდომარედ ირაკლი შენგელია აირჩიეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.