ახალი ამბები
"დატოვეთ პარლამენტი" - მსგავსი მოწოდებები შეცდომაა - "ევროპა ჩვენი სახლია"
FaceBook
"დატოვეთ პარლამენტი", "ნუ წაიღებთ პარლამენტს ქუთაისიდან", "ნუ წაგვართმევთ პარლამენტს" - ამ და სხვა მოწოდებებს, რომელიც პარლამენტის ქუთაისში დატოვებს ითვალისწინებს, არასამთავრობო ორგანიზაცია "ევროპა ჩვენი სახლიას" წარმომადგენლები შეცდომად მიიჩნევენ.

"ეს და სხვა მსგავსი მოწოდებები გვაფიქრებინებს, რომ რაღაც უბედურება ხდება მარტო ქუთაისელების თავს. საკითხის ასე დაყენება და მსგავსი ლოზუნგების ფრიალი ამ საკითხის გეოგრაფიულ ლოკაციამდე დაყვანას და დავიწროებას ნიშნავს. მსგავსი მოწოდებები შეცდომაა, რადგან, დარღვეულია კონსტიტუციის ის მუხლი, სადაც გარკვევით წერია, რომ პარლამენტის ადგილსამყოფელია ქუთაისი,მაგრამ კონსტიტუციაში არსად არ წერია, რომ ეს ქუთაისელების პრობლემაა და არა მთლიანად საქართველოსი.

კონსტიტუცია როდესაც დარღვევულია, ის თანაბრად დარღვეულია ყველასათვის. იგივე შემთხვევაში პარლამენტის ადგილსამყოფელად ზუგდიდი, ან ახალციხე რომ ჩაწერილიყო - ეს, ამ ქალაქის მკვიდრთა პრობლემა თავისთავად ვერ იქნებოდა. ამიტომ როდესაც კონსტიტუციას ასე ავიწროებ და საქართველოს ეუბნები, რომ ქუთაისლებს პარლამენტს გვართმევენ და დაგვიტოვე ეს მიდგომა თავშივე მცდარია, რადგან კონსტიტუცია დარღვეულია და პარლამენტის ფუნქციონირება ხდება ორ ქალაქში - ქუთაისსა და თბილისში, ამის მიუხედავად პარლამენტში მოქმედი პოლიტიკური პარტიებს შორის არსებული ძალთა დისბალანსისა, სადაც აშკარა უმრავლესობით დომინირებს "ქართული ოცნება - ბიძინა ივანიშვილი", პოლიტიკურ ოპოზიციის როლი და ფუნქცია ის არის, რომ მან არ გაიმეორეს იგივე, რასაც მმართველი ძალის მხრიდან კონსტიტუციის დარღვევა ჰქვია.

რას ვხედავთ დღეს ჩვენ? ჩვენ ვხედავთ კონსტიტუციის დარღვევის დაგმობას განცხადებებით საპარლამენტო ოპოზიციის მხრიდან, მაგრამ შემდეგ, საპარლამენტო ოპოზიცია მონაწილეობას იღებს თბილისის პარლამენტის შენობაში საკომიტეტო მოსმენებში და იქვე ფუნქციონერებს მათი აპარატიც. მაშინ რა გამოდის?საპარლამენტო ოპოზიცია გმობს კონსტიტუციის დარღვევას, მაგრამ შემდეგ, არ გმობს თავისი ქმედებით. თუ ოპოზიციას აზრად არ მოუვიდოდა კონსტიტუციის დარღვევა 2012 წლის პირველი ოქტომბრის შემდეგ, არჩევნები მათ სასარგებლოდ რომ დამთავრებულიყო. მაშინ, დღეს, რატომ არ ხდება მისი დაცვა?ის, რომ "ქართული ოცნება- ბიძინა ივანიშვილი" ყოველივე ამაში დამნაშავეა, ეს ჩანს, მაგრამ საპარლამენტო ოპოზიცია, რატომ არღვევს კონსტიტუციას და რატომ იღებს მონაწილეობას პარლამენტის საკომიტეტო მოსმენებში თბილისში?კონსტიტუციაში ხომ არსად არ წერია ადგილსამყოფელად თბილის? რა სურს ოპოზიციას? ის, რომ ტვირთად აკიდოს კონსტიტუციის დაცვა ერთ ქალაქს და ამ ქალაქის მაცხოვრებლებს შემდეგ აყვედროს, რომ ვერ დაიცვეს პარლამენტის ადგილსამყოფელი? და, თუ არა, თავად რას აკეთებს ამისათვის? ", -  ნათქვამია არასამთავრობო ორაგნიზაციის მიერ გაკეთებულ განცხადებაში. 

"ევროპა ჩვენი სახლია", პარლამენტის ადგილმდებარეობის საკითხზე შექმნილ საინიციატივო ჯფუფს, რომელიც 15-მდე არასამთავრობო და პოლიტიკური პარტიას აერთიანებდა, გამოეთიშა.

Print E-mail
FaceBook Twitter



მსგავსი სიახლეები
ეკონომიკისა და სოფლის მეურნეობის მინისტრები
ცაგერში ნამახვანჰესის მშენებლობის მოწინააღმდეგეებს
შეხვდებიან.
10:55 / 05.03.2021
ეკონომიკისა და სოფლის მეურნეობის მინისტრები ცაგერში ნამახვანჰესის მშენებლობის მოწინააღმდეგეებს შეხვდებიან.
პრემიერ-მინისტრის დავალებით, ეკონომიკისა და
სოფლის მეურნეობის მინისტრები რიონის ხეობაში ჩავლენ.
15:01 / 04.03.2021
პრემიერ-მინისტრის დავალებით, ეკონომიკისა და სოფლის მეურნეობის მინისტრები რიონის ხეობაში ჩავლენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.