ახალი ამბები
1 მილიონ ლარზე მეტი 5 წელიწადში ხარაზოვის ბაღის რეაბილიტაციისთვის
FaceBook
საფიჩხიაზე, ხარაზოვის სახელობის ბაღს 5 წლის შემდეგ რეაბილიტაცია კიდევ ერთხელ ჩაუტარდება.
ქალაქის მერის, შოთა მურღულიას თქმით, ბაღი განმეორებით რეკონსტრუქციას საჭიროებს.

"დრო რომ გადის, ყველაფერი საჭიროებს განახლებას. გზას რომ დავაგებთ, რამდენიმე წელიწადში ისევ გასაკეთებელია. ამ შემთხვევაშიც ასეა", – ამბობს შოთა მურღულია.

ქუთაისის მერიამ ბაღის განახლებისთვის 473 123 ლარიანი ტენდერი (SPA170005546) უკვე გამოაცხადა.

სატენდერო პირობების მიხედვით, რეაბილიტაცია სკვერში არსებულ ტერიტორიასა და შადრევანს უნდა ჩაუტარდეს.

ტენდერში მონაწილეობის ვადა მიმდინარე წლის 3 მაისს სრულდება.

გამარჯვებულ კომპანიას სამუშაოების განსახორციელებლად 3 თვიანი ვადა აქვს.

ხარაზოვის ბაღს რეაბილიტაცია ბოლოს 2012 წლის ზაფხულში ჩაუტარდა. მაშინ, ამ მიზნით ადგილობრივი ბიუჯეტიდან 640 ათასი ლარი დაიხარჯა.
სკვერის სარეაბილიტაციო სამუშაოები ჰოლანდიურმა კომპანიამ Dutch Design Garden განახორციელა.

2012 წელს ხარაზოვის ბაღში მოეწყო მწვანე ზოლი, სარწყავი სისტემა, განათება და შადრევანი.

2012 წელს ჩატარებულ და მიმდინარე წელს დაგეგმილ რეაბილიტაციას, ადგილობრივი ბიუჯეტიდან ჯამში 1 მილიონ 100 000 ლარზე მეტი ხმარდება.




Print E-mail
FaceBook Twitter



მსგავსი სიახლეები
პრემიერ-მინისტრის დავალებით, ეკონომიკისა და
სოფლის მეურნეობის მინისტრები რიონის ხეობაში ჩავლენ.
15:01 / 04.03.2021
პრემიერ-მინისტრის დავალებით, ეკონომიკისა და სოფლის მეურნეობის მინისტრები რიონის ხეობაში ჩავლენ.
პირველ კლასელთა რეგისტრაცია 15
მარტიდან დაიწყება.
13:40 / 04.03.2021
პირველ კლასელთა რეგისტრაცია 15 მარტიდან დაიწყება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.