მიმდინარე წლის 22 აპრილს ლატვიაში, რიგაში გამართულ მოჭადრაკე ქალთა ევროპის ინდივიდუალურ ჩემპიონატზე ნანა ძაგნიძემ გაიმარჯვა.

სპორული საინფორმაციო პორტალის, sportall.ge ინფორმაციით, მე-11 ტურის შეხვედრაში ქართველი მოჭადრაკე, შავი ფიგურებით, რუს ნატალია პოგონინას დაუზავდა და 8,5-ქულით მეტოქეთათვის მიუწვდომელი გახდა.

ჩემპიონატზე გადამწყვეტი წინა, მე-10 ტური აღმოჩნდა, რომელშიც ძაგნიძემ თეთრი ფიგურებით პოლონელი მონიკა სოცკო დაამარცხა, 8 ქულით პირველ ადგილზე დამკვიდრდა და მთავარ კონკურენტ რუს ალეკსანდრა გორიაჩკინას ნახევარი ქულით გაუსწრო. გორიაჩკინამ ბოლო ტურში თავისი შეხვედრა ყაიმით დაასრულა.

ნანა ძაგნიძე პირველი ქართველი ქალია, ვინც ევროპის ჩემპიონატზე გამარჯვება შესძლო.