ახალი ამბები
ქუთაისში "ეტალონი სპორტსმენი" ქუთაისელი ნინო ჯალაღონია გახდა
FaceBook
სპორტის საერთაშორისო დღესთან დაკავშირებით ოპერისა და ბალეტის თეატრში ინტელექტუალური შეჯიბრი "ეტალონი - სპორტსმენი" გაიმართა.
მასში ქუთაისელი ახალგაზრდა სპორტსმენები მონაწილეობდნენ.

"ეტალონი - სპორტსმენი" კი მოჭადრაკე ნინო ჯალაღონია გახდა. მეორე ადგილი მაგიდის ჩოგბურთში მოასპარეზე ანიტა სოხაძემ დაიკავა, ხოლო მესამე ადგილზე რაგბისტი შაკო ლომსიანიძე გავიდა.

გამარჯვებულები და პრიზიორები სპეციალური სიგელებით დააჯილდოვეს. პირველ ადგილზე გასულ მონაწილეს ქუთაისის მერიისგან 300 ლარი, მეორეზე- 200 ლარი, მესამეზე გასულს კი 100 ლარი გადაეცა.

ღონისძიების ორგანიზატორი ქუთაისის მერიის კულტურის, სპორტის, განათლების, ძეგლთა დაცვისა და ახალგაზრდულ საქმეთა სამსახურია.

"ამ თამაშით ჩვენ გვინდა გარკვეული სტერეოტიპების მსხვრევა. ჩვენ არა მხოლოდ მკლავმაგარი და ჯანსაღი, არამედ, გონიერი და ინტელექტუალური სპორტსმენები გვყავს", – ამბობს, მერიის სპორტის სამსახურის უფროსის მოადგილე, მანანა მანაგაძე.

"ეტალონი- სპორტსმენი" სპორტული თემატიკით საქართველოში პირველად გაიმართა.
Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.