ახალი ამბები
ქუთაისში ბავშვთა სასკოლო ოლიმპიადის ფინალური მატჩები ჩატარდება
FaceBook
ქუთაისის მერიამ ქალაქში მცხოვრები ახალგაზრდების ჯანსაღი ცხოვრების წესის პოპულარიზაციის მიზნით ააიპ "საქართველოს ბავშვთა და სასკოლო სპორტის ეროვნულ ფედერაციასთან" მემორანდუმი გააფორმა.
დოკუმენტს ხელი ქუთაისის მერმა შოთა მურღულიამ და სასკოლო სპორტის ეროვნულ ფედერაციას პრეზიდენტმა კონსტანტინე ამირეჯიბმა მოაწერეს.

მემორანდუმის თანახმად, მხარეები სასკოლო სპორტული ოლიმპიადის თამაშებისა და ცალკეული ღონისძიებების ჩატარებასა და სხვა სახის ერთობლივი პროგრამების განხორციელების თანამშრომლობაზე შეთანხმდნენ.

მხარეების გადაწყვეტილებით, უკვე გადაწყვეტილია, რომ ქუთაისში ბავშვთა სასკოლო ოლიმპიადის ფინალური მატჩები ჩატარდება. ამ კუთხით ქუთაისის მერიაში შექმნილია სპეციალური კომისია. ქუთაისის მერის შოთა მურღულიას თქმით, ერთობლივი ძალისხმევითა და შეთანხმებული მოქმედებით, ხელშეწყობა მოხდება მოსწავლე ახალგაზრდებში ჯანსაღი ცხოვრების წესის პოპულარიზაციის, ფიზიკურ აღზრდა-განათლებისა და სასკოლო სპორტის განვითარების.

ჯანსაღი ცხოვრების წესის პოპულარიზაცის მიზნით ქუთაისის ადგილობრივმა თვითმმართველობამ, მიმდინარე წლის 28 მარტს 7 000 ლარის ღირებულების ტენდერი (SPA170004913) გამოაცხადა.

სატენდერო დოკუმენტაციის მიხედვით, სახელმწიფო შესყიდავზე გამარჯვებულმა კომპანიამ ქუთაისის სპორტული სკოლების ისტორიისა და დღევანდელობის, საქართველოსა და მის ფარგლებს გარეთ, მათ მიერ განხორციელებული აქტივობების, სპორტულ სკოლებში მოღვაწე მწვრთნელებისა და ახალგაზრდა წარმატებული სპორტსმენების სპორტული ბიოგრაფიების შესახებ სატელევიზიო გადაცემათა ციკლის მომზადება და ეთერში გაშვება უნდა უზრუნველყოს.
Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.