ახალი ამბები
"დასაბუთებული არგუმენტი არ მომისმენია რატომ არ უნდა აირჩიოს ხალხმა პრეზიდენტი" - გიორგი მარგველაშვილი
FaceBook
საქართველოს პრეზიდენტის, გიორგი მარგველაშვილის ვიზიტი ქუთაისში, აკაკი წერეთლის სახელმწიფო უნივერსიტეტიდან დაიწყო.
სადაც ის კამპანია „კონსტიტუცია ყველასია“ ფარგლებში სასწავლებლის აკადემიურ პერსონალს და სტუდენტებს შეხვდა.

შეხვედრის ძირითადი თემა საქართველოს კონსტიტუცია გახლდათ.  პრეზიდენტმა  შეკრებილ აუდიტორიას უზენაესი კანონის შესახებ დაწყებული კამპანიის მნიშვნელობაზე ესაუბრა.

"სულისკვეთება კონსტიტუციის მდგომარეობს შემდეგში, რომ თავისუფალი ადამინები, რომელსაც ღმერთმა მოგვცა სიცოცხლე და თავისუფლება ერთმანეთს ვუთანხმდებით რა ცხოვრების წესით ვიცხოვროთ", - განაცხადა საქართველოს პრეზიდენტმა, გიორგი მარგველაშვილმა.


ქვეყნის მთავარსარდალმა  საბჭოთა კავშირის დროს კონსტიტუციის მნიშვნელობაზეც ისაუბრა და აღნიშნა, რომ იმ პერიოდში ადამიანი ერთიანი მექანიზმის შემადგნელი ნაწილად მოაზრებოდა. მისი თქმით, დღეს განსხვავება იმ სისტემისგან არის ის, რომ დღეს თავისუფალ საქართველოში ასევე, თავისუფალი მოქალაქეები ცხოვრობენ.

„ქვეყნის მთავარი კანონის შექმნა ყველა ჩვენთაგანის უფლებაზე გადის. თანამონაწილე და ემოციის შემქნელი თუ როგორი იქნება ეს კანონი ჩვენ აუცილებლად უნდა ვიყოთ~",  - აღნიშნა პრეზიდენტმა.

შეხვედრაზე წერეთლის უნივერსიტეტის ლექტორეებმა და სტუდენტებმა საქართველოს პრეზიდენტს კითხვები დაუსვეს. სტუდენტების ინტერესის ძირითადი თემა პრეზიდენტის არჩევის წესში დაგეგმილი ცვლილებები იყო. გიორგი მარგველაშვილმა შეხვედრაზე განაცხადა, რომ პრეზიდენტის არჩევითობის წესში შესაძლო ცვლილებები მისთვის გაუგებარია.

„ჯერ მე დასაბუთებული არგუმენტი, იმისა რატომ არ უნდა აირჩიოს ხალხმა პრეზიდენტი არ მომისმენია. მე მესმის საზოგადოების სრული მხარდაჭერა იმ საკითხისადმი რომ საქართველოში პრეზიდენტი უნდა აირჩიოს ხალხმა და სწორედ ამ ხალხმა უნდა გადაწყვიტოს აირჩევს თუ არა პრეზიდენტს“, - განაცხადა გიორგო მარგველაშვილმა.

საქართველოს პრეზიდენტს ქუთაისში დღეს, ასევე დაგეგმილი აქვს შეხვედრა არასამთავრობო ორგანიზაციებთან და პოლიტიკურ პარტიებთან შეხვედრა, რომელიც ამ წუთებში დემოკრატიული ჩართულობის ცენტრში მიმდინარეობს.


Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.