ქუთაისიპოსტი

ქუთაისში, ვიზალიბერალიზაციის აღსანიშნავად საქართველოს და ევროკავშირის დროშებს გამოფენენ.

ქუთაისის მერიაში განმარტავენ, რომ 28 მარტს დროშები  მერიის ადმინისტრაციული შენობის წინ გამოიფინება.

ევროპარლამენტმა საქართველოსთან სავიზო რეჟიმის გაუქმებას 2017 წლის 2 თებერვალს მხარი დაუჭირა.

უვიზო მიმოსვლა საქართველოს მოქალაქეებისთვის შენგენის ზონის ტერიტორიაზე თავისუფალ გადაადგილებას გულისხმობს.

შენგენის ზონა ევროკავშირის 22 წევრ, 4 არაწევრ და შენგენის 4 კანდიდატ ქვეყანას მოიცავს.

უვიზო მიმოსვლით ისარგებლებს ბიომეტრიული პასპორტის მქონე საქართველოს ყველა მოქალაქე – 180 დღის განმავლობაში მაქსიმალური 90 დღის ვადით.

ამასთანავე, მათ შეუძლიათ გამოიყენონ 90 დღე ერთმანეთზე მიყოლებით ან ჯამში 90 დღე.