ახალი ამბები
მარტოხელას სტატუსით საქართველოში 1474 დედა ცხოვრობს, მამა - არც ერთი
FaceBook
სახელმწიფო სერვისების განვითარების სააგენტოს მონაცემებით საქართველოში, 2015 წლის ივნისიდან დღემდე მარტოხელა მშობლის სტატუსი 1 474 დედას მიენიჭა.
მათ შორის, იმერეთის რეგიონში ამ სტატუსის მიღების მოთხოვნით რეგისტრაცია 113-მა დედამ გაიარა.

სააგენტოს ცნობით, ამავე პერიოდში მარტოხელა მამის სტატუსის დადგენაზე  განაცხადი არ შესულა. 

2015 წელს, საკანონმდებლო ცვლილებების შედეგად, სამოქალაქო კოდექსში მარტოხელა მშობლის სტატუსი განისაზღვრა. ის დედას ან მამას იმ შემთხვევაში ენიჭება, როდესაც ბავშვის დაბადების მოწმობაში ერთ-ერთი მშობლის შესახებ ჩანაწერი არ არის.

მარტოხელა მშობლის სტატუსის მინიჭებისა და გაუქმების წესის დახვეწაზე სახალხო დამცველის გენდერული თანასწორობის დეპარტამენტთან არსებული სამუშაო ჯგუფი მუშაობს. მასში პარლამენტის, სამინისტროებისა და არასამთავრობო სექტორის წარმომადგენლები არიან ჩართული.

"დღეისათვის სტატუსი მხოლოდ ფორმალური საფუძვლით გაიცემა, ანუ იმ შემთხვევაში, თუ დაბადების მოწმობაში არის ჩანაწერი მოხლოდ ერთი მშობლის შესახებ. გარდა ამისა, მშობლის ქორწინებაში შესვლა არ უნდა იყოს სტატუსის გაუქმების საფუძველი," - ამბობს გენდერული თანასწორობის დეპარტამენტის ხელმძღვანელი, ანი ილურიძე.

სამუშაო ჯგუფის ერთიანი პოზიციის ჩამოყალიბების შემდეგ, პარლამენტის იურიდიული კომიტეტი საკანონდმდებლო ცვლილებს საკანონმდებლო ორგანოს წარუდგენს.

მსურველ პირს მარტოხელა მშობლის სტატუსს სერვისების განვითარების სააგენტო ანიჭებს. როგორც გაირკვა, სტატუსის მინიჭების მიუხედავად, ასეთი პირებისთვის რაიმე სახის შეღავათები ადგილობრივი და ცენტრალური ბიუჯეტით გათვალისწინებული არაა.



Print E-mail
FaceBook Twitter



მსგავსი სიახლეები
დღეიდან კომპანიებს დასაქმებულთა
სამუშაო საათების აღრიცხვა მოუწევთ.
13:03 / 01.03.2021
დღეიდან კომპანიებს დასაქმებულთა სამუშაო საათების აღრიცხვა მოუწევთ.
დღეს, პირველ მარტს, 10:00 საათზე,
ერთიანი ეროვნული გამოცდებისათვის რეგისტრაცია დაიწყო.
10:38 / 01.03.2021
დღეს, პირველ მარტს, 10:00 საათზე, ერთიანი ეროვნული გამოცდებისათვის რეგისტრაცია დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.