ახალი ამბები
"შეგვარჩია უპატრონოები" - ბაღდათში სამი სოფლის რწმუნებული გაათავისუფლეს
FaceBook
ბაღდათის გამგებლის მოვალეობის შემსრულებლის, არჩილ გოგსაძის ბრძანებით, მუნიციპალიტეტის სამი სოფლის რწმუნებული თანამდებობიდან გაათავისუფლეს.
წითელხევი, როხი და ფერსათი - ეს ის სოფლებია, სადაც რწმუნებულების თანამდებობა ამ დროისთვის ვაკანტურია.

"საქმის არაჯეროვანი შესრულება" - მითითებულია გათავისუფლების ბრძანებაში, რომელიც სოფელ ფერსათის გამგებელმა, ბონდო ჭელიძემ მიმდინარე წლის 23 მარტს მიიღო. დოკუმენტი 22 მარტით თარიღდება. ბონდო ჭელიძე ჩვენთან საუბარში განმარტავს, რომ არჩილ გოგსაძემ მანამდე მას თანამდებობის დატოვება სიტყვიერად მოთხოვა.

"დანაშაული არ მიმიძღვის, დამნაშავე არ ვარ და სანამ კისერს არ მოვუგრიხავ არ გავჩერდები. სიტყვიერად გვეუბნებოდა, რომ დაგვეწერა განცხადება, შეგვარჩია უპატრონოები და გაგვათავისუფლა," – ამბობს ბონდო ჭელიძე და არჩილ გოგსაძის გადაწყვეტილების სასამართლოში გასაჩივრებას აპირებს.

გათავისუფლების ბძანება მიიღო სოფელ წითელხევის გამგებელმა, ხათუნა ჩარკვიანმაც. სოფელ როხის გამგებელს კი სამსახურიდან გათავისუფლების დოკუმენტი ამ დრომდე არ ჩაბარებია.

ნინული კაპანაძე ამბობს, რომ თანამდებობიდან დათხოვის შემთხვევაში სასამართლოს მიმართავს, ხოლო თუ სხვა პოზიციაზე გადასვლას შეთავაზებენ, ამ შემთხვევაში თავს შეიკავებს.

სოფლის რწმუნებულების გათავისუფლების შესახებ, ამ ბრძანების ავტორს, ბაღდათის მუნიციპალიტეტის გამგებლის მოვალეობის შემსრულებელს დავუკავშირდით.

არჩილ გოგსაძეს სოფლის რწმუნებულების მიერ გაწეული საქმიანობა არადამაკმაყოფილებლად მიაჩნია.

"არაჯეროვანი ნიშნავს არაჯეროვანს. მათ მიერ საქმიანობის გაგრძელება არ მიმაჩნია მიზანშეწონილად. არ იცნობენ სოფლის პრობლემებს, არც მათი გადაჭრის გზები იციან," - ამბობს არჩილ გოგსაძე.

ბაღდათის მუნიციპალიტეტში მოსალოდნელი რეორგანიზაციის შესახებ ჯერ კიდევ ერთი თვის წინ დაანონსდა. სოფლის რწმუნებულების გარდა, მიმდინარე თვეში გამგეობის სამი სამსახურის უფროსიც გათავისუფლდა.

Print E-mail
FaceBook Twitter



მსგავსი სიახლეები
ქუთაისში, რუსთაველის ხიდის მიმდებარე
ტერიტორიაზე, რიონის სანაპიროზე,  2148 კვ.მ მიწის ნაკვეთზე
სასტუმრო შენდება.
17:49 / 02.03.2021
ქუთაისში, რუსთაველის ხიდის მიმდებარე ტერიტორიაზე, რიონის სანაპიროზე,  2148 კვ.მ მიწის ნაკვეთზე სასტუმრო შენდება.
რიონის ხეობაში ნამახვანჰესის
მშენებლობის საკითხთან დაკავშირებით პარლამენტში, შესაძლოა,
მინისტრები დაიბარონ.
16:11 / 02.03.2021
რიონის ხეობაში ნამახვანჰესის მშენებლობის საკითხთან დაკავშირებით პარლამენტში, შესაძლოა, მინისტრები დაიბარონ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.