ახალი ამბები
კორპუსის თავმჯდომარე, საიდანაც ჩამონგრეულმა ფასადმა გოგონა იმსხვერპლა, გადადგა
FaceBook
ქუთაისში, ირაკლი აბაშიძის #10–ში, შენობის სახურავიდან კედლის ნაწილის ჩამოშლის გამო 12 წლის გოგონას გარდაცვალების შემდეგ, კორპუსის ამხანაგობის თავმჯდომარემ პოსტი დატოვა.
ოჯახის წევრები ამბობენ, რომ ბადრი ცირეკიძეს ჯანმრთელობასთან დაკავშირებული პრობლემები აქვს და ამ გადაწყვეტილების მიღებას ადრეც გეგმავდა.

"ასეთ საქმეს ჯანმრთელი ადამიანი სჭირდება. ჩემმა მეუღლემ ერთი წლის წინ გადაიტანა ინსულტი, რის გამოც, ადრეც გეგმავდა გადადგომას, მაგრამ ამ მოვლენებმა დაასწრო", – ამბობს ბადრი ცირეკიძის მეუღლე.

მისი თქმით, ბადრი ცირეკიძეს გადადგომის შესახებ განცხადება უკვე დაწერილი აქვს.

ჯერჯერობით პოსტი ოფიციალურად არ ჩაუბარებია კორპუსის ამხანაგობის ახალ თავმჯდომარეს, თემურ კუპრაშვილს. 

"ბადრი ცირეკიძესაც არ დაუტოვებია ჯერჯერობით პოსტი. მომავალი კვირიდან შევუდგები მე მუშაობას",–ამბობს თემურ კუპრაშვილი.

მომხდარიდან  17 დღის შემდეგ, კორპუსის ის ნაწილი, საიდანაც პარაპეტი ჩამოიშალა,რკინის ჯებირებითაა შემოსაზღვრული.

ქუთაისში, ირაკლი აბაშიძის # 10–ში მდებარე საცხოვრებელი კორპუსის ფასადიდან ნალესი კედლის ჩამონგრევის შედეგად 12 წლის გოგონა ადგილზე გარდაიცვალა.

ბინათმესაკუთრეთა ამხანაგობის თავმჯდომარეს კორპუსის მცხოვრებლები ირჩევენ. მას მოსახლეობასა და ადგილობრივ თვითმმართველობას შორის კოორდინაცია ევალება.
Print E-mail
FaceBook Twitter
მსგავსი სიახლეები
სამეცნიერო - ინტელექტუალური კლუბი
12:57 / 03.10.2022
სამეცნიერო - ინტელექტუალური კლუბი "თაობათა დიალოგის" თანადამფუძნებელს ნუგზარ კოხრეიძეს საქართველოს სახალხო დამცველის არჩევის კონკურსში ღია მხარდაჭერას უკვე 40-მდე რეგიონული არასამთავრობო ორგანიზაცია უცხადებს.
ფიზიკური დაპირისპირება იყო ხარაგულის საკრებულოს სხდომაზე, სადაც
პოლიციის გამოძახება გახდა საჭირო.
10:56 / 03.10.2022
ფიზიკური დაპირისპირება იყო ხარაგულის საკრებულოს სხდომაზე, სადაც პოლიციის გამოძახება გახდა საჭირო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.