ახალი ამბები
"არც ერთი ხე არ მოიჭრება" - ქუთაისის მერი ტექნოლოგიური უნივერსიტეტის მშენებლობაზე
FaceBook
ქუთაისის საკრებულომ მუხნარის ტყის მიმდებარე ტერიტორიაზე ტექნოლოგიური უნივერსიტეტის განაშენიანების გეგმა დაამტკიცა.
პრეზენტაციას ადგილობრივი თვითმმართველობის წარმომადგენლებთან ერთად, ქუთაისის მაჟორიტარი დეპუტატები: გენადი მარგველაშვილი და დიმიტრი მხეიძე ესწრებოდნენ.

ქალაქის მერის, შოთა მურღულიას თქმით, გავრცელებული ინფრომაცია იმის შესახებ, რომ უნივერსიტეტის მშნებლობის გამო, ადგილზე ხეები მოიჭრება, სიმართლეს არ შეესაბამება.

"ტერიტორია იძლევა იმის საშუალებას, რომ მწვანეში ისე ჩაიდგას შენობა, რომ არც ერთი ხე არ მოიჭრას. პირიქით, მშენებლობა მხოლოდ დადებით ზეგავლენას მოახდენს გარემოზე და არა უარყოფითს", - განაცხადა შოთა მურღულიამ.

შეხვედრას ასევე, ესწრებოდა ფონდი "ქართუს" საზოგადოებასთან ურთიერთობის სამსახურის უფროსი, გიორგი უძილაური.

"ეს არის უზარმაზარი პროექტი. ჯერ პირველი ეტაპია გასავლელი და ასე მალე ვერ მოხდება მშენებლობის დასრულება. საუნივერსიტეტო ქალაქზეა საუბარი და ეტაპობრივად მოხდება მშენებლობა. 2019 წელს პირველ ნაკადს უკვე მიიღებს უნივერსიტეტი, თუმცა, სამუშაოები კვლავ გაგრძელდება",-განაცხადა გიორგი უძილაურმა.

მისივე თქმით, ადგილზე მოსაზადებელი სამუშაოები მიმდინარე წლის გაზაფხულიდან დაიწყება.

ქუთაისში ტექნოლოგიური უნივერისტეტის მშენებლობა გასული წლის 12   სექტემბერს  დაანონსდა.

პროექტის მიხედვით, უნივერსიტეტი 100 ჰექტარ ფართობზე განთავსდება და 60 000 სტუდენტზე იქნება გათვლილი.

მშენებლობას 1 მილიარდი ევრო მოხმარდება, რომელსაც სრულად დააფინანსებს ფონდი "ქართუ".

მუხნარის ტყის მიმდებარე ტერიტორიაზე, ქუთაისის ტექნოლოგიური უნივერსიტეტის პროექტის პრეზენტაცია 2016 წლის 8 ოქტომბრის არჩევნებამდე 27 დღით ადრე გაიმართა. ღონისძიებას მთავრობის ხელმძღვანელი პირების გარდა, ქვეყნის ყოფილი პრემიერ-მინისტრი,  ბიძინა ივანიშვილიც დაესწრო.

იმ დროისთვის სამშენებლო სამუშაოების დაწყებისა და დასრულების ვადები არავის დაუკონკრეტებია. მხოლოდ ის განაცხადეს, რომ უნივერსიტეტმა სტუდენტთა პირველი ნაკადი 2019 წელს უნდა მიიღოს.
Print E-mail
FaceBook Twitter



მსგავსი სიახლეები
1-ელი მარტიდან საბავშვო ბაღებში
სასწავლო პროცესი განახლდა. ქუთაისში ბაღებში რეგისტრირებული 8 500
ბავშვიდან მხოლოდ 2 471 მივიდა.
13:51 / 01.03.2021
1-ელი მარტიდან საბავშვო ბაღებში სასწავლო პროცესი განახლდა. ქუთაისში ბაღებში რეგისტრირებული 8 500 ბავშვიდან მხოლოდ 2 471 მივიდა.
დღეიდან კომპანიებს დასაქმებულთა
სამუშაო საათების აღრიცხვა მოუწევთ.
13:03 / 01.03.2021
დღეიდან კომპანიებს დასაქმებულთა სამუშაო საათების აღრიცხვა მოუწევთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.