ახალი ამბები
ჭომის დასახლებაში ამორტიზებული ელექტროგადამცემი ბოძების დემონტაჟს ითხოვენ
FaceBook
ქუთაისში, ჭომის დასახლებაში მცხოვრებლები ძველი ელექტროგადამცემი ბოძების დემონტაჟს ითხოვენ.

ლესელიძის ქუჩის მე-5 შესახვევის მოსახლეობა განმარტავს, რომ ამორტიზებული ხის ბოძები მათ საფრთხეს უქმნით.

"ყოველ წუთს არის საშიშროება, რომ ეს ძველი ბოძები წაიქცევა და უბედურება მოხდება, ასეთივე მდგომარეობაა ყველა სახლთან," - ამბობენ ადგილობრივები.

მათი თქმით, ხის ელექტროგადამცემი ბოძების გვერდით, ახალი მეტალის ბოძები უკვე დამონტაჟებულია, თუმცა მასზე ამ დრომდე ელექტროქსელის გადატანა არ მომხდარა.

"აუცილებელია, დროულად მოხდეს ახალ ბოძებზე გადაქსელვა," - ამბობენ ადგილობრივები.

"ენერგო-პრო ჯორჯიას" ქუთაისის ფილიალის ინფორმაციით, ჭომაში, ლესელიძის ქუჩაზე ახალ ელექტროგადამცემ ბოძებზე გადაქსელვა გაკეთებულია.

"ლესელიძის ქუჩაზე, მე-5 შესახვევში, კომპანიამ დაამონტაჟა ახალი რკინა-ბეტონის საყრდენები, რომლებზეც უკვე გადატანილია ელექტროსადენები. ძველ ხის საყრდენებზე ელექტროხაზები დარჩენილი არ არის, მაგრამ მათზე ამ მომენტისთვის კვლავ გადის კავშირგაბმულობის კაბელები. სანამ შესაბამისი სამსახური თავის ქსელს ძველი საყრდენებიდან არ გადაიტანს, კომპანია ვერ უკეთებს დემონტაჟს ძველ საყრდენებს," - აცხადებენ "ენერგო-პრო ჯორჯიას" ქუთაისის ფილიალში.

მათივე ცნობით, კავშირგაბმულობის სამსახურს კომპანია წერილობით აცნობებს ამის შესახებ და მათი რეაგირებისთანავე ლესელიძის მე-5 შესახვევში მოხდება სადენების გატანა ძველიდან ახალ ელექტროგადამცემი ბოძებზე.





Print E-mail
FaceBook Twitter
მსგავსი სიახლეები
ქუთაისის მერიაში შტატები 24 ადამიანით გაიზარდა.
14:27 / 30.05.2024
ქუთაისის მერიაში შტატები 24 ადამიანით გაიზარდა.
10:57 / 30.05.2024
"რუსული კანონით არ ვიცხოვრებთ!" - ამ დევიზით, 2 ივნისს, ქუთაისში, აქცია-კონცერტი გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.