ახალი ამბები
90 სასწავლო დღის გაცდენის შემთხვევაში მოსწავლეს სტატუსი შეუწყდება
FaceBook

საგანმანათლებლო დაწესებულებაში მოსწავლის ჩარიცხვისა და მოსწავლის სტატუსის შეჩერების ახალი წესი დამტკიცდა.


განათლების და მეცნიერების სამინისტროს მიერს დამტკიცებული ახალი წესის მიხედვით, სკოლა ვალდებულია დაწყებითი, საბაზო და საშუალო საფეხურის მოსწავლეს, რომელიც 90 სასწავლო დღის განმავლობაში ზედიზედ არ გამოცხადდება და ვერ მიიღო შეფასება, სტატუსი შეუჩეროს.

მოსწავლეს სტატუსი შეუჩერდება თუ ის გაემგზავრა საზღვარგარეთ და მშობელმა შესაბამისი წერილი წარადგინა სკოლაში.

ასევე , თუ სკოლაში 12 წლის სწავლის შემდეგ მოსწავლემ ვერ დაძლია ეროვნული სასწავლო გეგმით დადგენილი მიღწევის დონე, არ აქვს კანონმდებლობით დადგენილი წესით მოპოვებული დაფინანსება და სტანდარტული ვაუჩერის შესაბამის თანხას არ შეიტანს საქართველოს სახელმწიფო ბიუჯეტის შემოსულობების შესაბამის სახაზინო ანგარიშზე, მას შეუჩერდება მოსწავლის სტატუსი.

სკოლა ვალდებულია, არასრულწლოვანი მოსწავლის მშობლის ან სრულწლოვანი მოსწავლის მიმართვის საფუძველზე, მოსწავლეს სტატუსი შეუჩეროს.

ასევე, მოსწავლის სტატუსის შეჩერების შესახებ გადაწყვეტილება ორი სამუშაო დღის ვადაში აცნობოს მოსწავლის მშობელს ან კანონიერ წარმომადგენელს.

სტატუსშეჩერებულმა მოსწავლის წარმომადგენელმა, მისი აღდგენის მიზნით, იმავე სკოლას უნდა მიმართოს.

იმ შემთხვევაში, თუ სკოლამ შეწყვიტა საგანმანათლებლო საქმიანობა და არ ჰყავს უფლებამონაცვლე, მოსწავლის მშობელმა კანონიერმა წარმომადგენელმა, რომელსაც სურს მოსწავლის სტატუსის აღდგენა, უნდა მიმართოს იმ სკოლას, სადაც სურს სწავლის გაგრძელება.

მოსწავლეს აღუდგება მოსწავლის სტატუსი იმავე კლასში, სადაც შეუჩერდა სტატუსი.

 




 

Print E-mail
FaceBook Twitter
მსგავსი სიახლეები
დასავლეთ საქართველოსა და მათ შორის
იმერეთის რეგიონში 30-31 მარტის ჩათვლით წვიმაა ნავარუდევი.
10:24 / 30.03.2020
დასავლეთ საქართველოსა და მათ შორის იმერეთის რეგიონში 30-31 მარტის ჩათვლით წვიმაა ნავარუდევი.
17 დღიანი უწყვეტი ძებნის შემდეგ
მაშველებმა ქუთაისში  დაკარგული ტურისტის ცხედარი იპოვეს.
22:04 / 27.03.2020
17 დღიანი უწყვეტი ძებნის შემდეგ მაშველებმა ქუთაისში  დაკარგული ტურისტის ცხედარი იპოვეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.