ახალი ამბები
გრაფიკი, ჩაბნელებული საქართველო და დანგრეული სისტემა – გურამ ჩალაგაშვილი დენის ტარიფის ზრდაზე
FaceBook
ენერგეტიკის მარეგულირებელი კომისიის ყოფილი თავმჯდომარე, გურამ ჩალაგაშვილი ელექტრონერგიისა და გაზის ტარიფის მოსალოდნელ ზრდაზე კომენტარს ეკეთებს.
მისი თქმით, დენის ტარიფის ცვლილებაზე ლარის კურსის ვარდნა ერთ–ერთი ყველაზე მნიშვნელოვანი ფაქტორია.

"თბოსადგურების გამომუშავება არის ყველაზე დიდი წილი სისტემაში. ისინი მუშაობენ გაზზე და მათთვის გათვალისწინებული კურსი არის დაახლეობით 2.4, რაც ჩაიდო ერთი წლის წინ. დღეს კურსი არის 2,8, ანუ 100 დოლართან მიმართებაში დაახლოებით 40 ლარით არის გაძვირებული ლარი. თბოსადგურებს ელექტროენერგიის გამომუშავება დაახლოებით 30%–ით ძვირი უჯდებათ. ეს ნიშნავს იმას, რომ ცხადია თბოსადგურების ტარიფი გაიზრდება, რასაც შედეგად ავტომატურად უნდა მოყვეს, სამწუხაროდ, ტარიფის ზრდა. წინააღმდეგ შემთხვევაში, განაწილების მარჟა უნდა შეუმცირდეს კომპანიებს, რაც იმას ნიშნავს, რომ ეს იქნება გრაფიკი, ჩაბნელებული საქართველო და დანგრეული სისტემა. სამწუხაროდ, კომისიას მოუწევს ტარიფის ზრდა, როგორც ელექტროენერგიაზე, ასევე გაზზეც," – აცხადებს გურამ ჩალაგაშვილი.

პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე ენერგეტიკისა და წყალმომარაგების მარეგულირებელი კომისიის ხელმძღვანელმა ენერგეტიკის მიმართულებით სამომხმარებლო ტარიფების ზრდაზე ისაუბრა.

ირინა მილორავამ ტარიფების ზრდა არ გამორიცხა.

"უკვე განხილული გვაქვს გადაცემისა და დისპეტჩერიზაციის ტარიფები და აქ ზრდა გვაქვს "სახელმწიფო ელექტროსისტემის" ნაწილში, ასევე ზრდა არის "ენერგოტრანსის" ნაწილში. გადაცემა-დისპეტჩერიზაციის ტარიფების ზრდა გამოიწვია იმ ამბიციურმა საინვესტიციო გეგმამ, რომელიც "სახელმწიფო ელექტროსისტემას" აქვს. ხვალინდელ სხდომაზე უკვე ვიხილავთ თბოელექტროსადგურების ტარიფს, შემდეგ მოხდება ჰიდროელექტროსადგურების ტარიფების განხილვა და ამის შემდეგ იქნება შესაძლებელი სამომხმარებლო ტარიფებზე პროგნოზების გაკეთება. დღეს ჩვენი მხრიდან რაიმე შეფასების გაკეთება ამ მხრივ არასწორი იქნება", - განაცხადა ირინა მილორავამ.


Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.