ახალი ამბები
ქუთაისის აეროპორტში თვითმფრინავების სადგომი ბაქანი ფართოვდება
FaceBook
ქუთაისის დავით აღმაშენებლის საერთაშორისო აეროპორტში საჰაერო ხომალდების სადგომი ბაქანის გაფართოება მიმდინარეობს.

სამუშაოებს, რომელიც მიმდინარე წლის ბოლოს უნდა დასრულდეს, შპს " ბლექს სი გრუპი" ახორციელებს.

კომპანიამ აღნიშნული ვალდებულება "საქართველოს აეროპორტების გაერთიანების" მიერ გამოცხადებული ტენდერის გზით მიიღო.

12 500 000 ლარის ღირებულების ელექტრონული შესყიდვა (SPA160023326) მიმდინარე წლის ზაფხულზე გამოაცხადა.

შპს "ბლექს სი გრუპი" უკონკურენტო იყო. კომპანიას ამ თანხის სანაცვლოდ, ქუთაისის გარდა, ამბროლაურის აეროპორტის ინფრასტრუქტურის მოწყობაც დაევალა.

კერძოდ, ძველ და ახალი ბაქანის ერთიანი ახალი განათება, ასევე, ერთ-ერთი სადგომი ისე უნდა მოეწყოს, რომ მასზე შესაძლებელი იყოს ხომალდის გარეცხვა და მისი კორპუსის დამუშავება მოყინვის საწინააღმდეგო სითხით. ამ მიზნით გაკეთდება შესაბამისი დრენაჟი და გამწმენდი ნაგებობა.

გაფართოების არეალში ხვდება ტერმინალის წინ არსებული დეკორატიული პოლიურეთანის საფარი, რომელზეც დახატულია ქუთაისის აეროპორტის ლოგო.

ბაქანის გაფართოების სამუშაოების ფარგლებში 300 კვ.მ. ფართს დემონტაჟი ჩაუტარდება, ხოლო ლოგოს გადატანა საფარის სხვა ადგილას გადაიტანენ.

სამუშაოს დასასრულს უნდა გაკეთდეს ბაქანის მარკირება.

სატენდერო დოკუმენტაციის მიხედვით, ქუთაისის აეროპორტის საჰაერო ხომალდების სადგომი ბაქანის მოწყობითი სამუშაოები, მიმდინარე წლის 23 ოქტომბერს უნდა დასრულებულიყო.

თუმცა, კომპანიაში ქუთაისიპოსტთან საუბარში განმარტავენ, რომ ამ დროისთვის პროექტის კორექტირება მიმდინაორებს. "ბლექს სი გრუპში" ირწმუნებიან, რომ სამუშაოები წლის ბოლომდე დასრულდება.

"რაც შეეხება, ამბროლაურს, აეროპორტის ასაფრენი ზოლის სადგომი სამანევრო ბილიკის მოწყობითი სამუშაოები დასრულებულია. ამ ეტაპზე მხოლოდ შემოღობვითი სამუშაოები მიმდინარეობს", - განმარტავს კომპანია "ბლექს სი გრუპის" ადმინისტრატორი.







FaceBook Twitter
მსგავსი სიახლეები
მოძრაობა
14:22 / 13.12.2019
მოძრაობა "გაბედეს" აქტივისტები აკაკი წერეთლის სახელმწიფო უნივერსიტეტის ლექტორებს 14 დეკემბერს "ქართული ოცნების" მიერ დაგეგმილ აქციაში სტუდენტების მოტყუებით წაყვანაში ადანაშაულებენ.
იმერეთის, რაჭა-ლეჩხუმისა და
ქვემო სვანეთის პოლიციის თანამშრომლებმა, ქუთაისში მომხდარი ყაჩაღობის
ფაქტი გახსნეს.
12:25 / 13.12.2019

იმერეთის, რაჭა-ლეჩხუმისა და ქვემო სვანეთის პოლიციის თანამშრომლებმა, ქუთაისში მომხდარი ყაჩაღობის ფაქტი გახსნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.